Page 43 - AHATA

E hecho cu China a wordo isola, ta nifica cu porta a wordo cera pa negoshi internacional
den cual China tabata na cabes na plataforma internacional loke lo tin resultado pa tur
compania cu tabata tin China of empresanan Chines como nan partner comercial.

Den mundo petroleo e impacto di China a paralisa e negoshi mundial mescos cu a pasa
cu e negoshi di vehiculo, telefon mobil, computer, cuminda y tur loke ta cay bou di
comercio internacional.

Companianan di transporte a wordo afecta y nan mester busca un solucion pa nan
mantene nan negoshi.

Informacion ayera tabata indica cu e acuerdo cu China a firma cu Merca ta na peliger.

Den e acuerdo aki un relacion basa riba 200 Biyon Dollar a wordo regla.

Esaki ta demostra e magnitud di e problema mundial actual pa cual mester prepara
Aruba tambe.

Na e momentonan aki intercambio di informacion financiero y economico ta tuma luga
rond mundo, cu no por prepara pa su mes pa un situacion cu ta depende
completamente di un enfermedad cu a cera un centro mundial di negoshi.

Aruba mester tene cuenta cu loke e situacion aki ta nifica y prepara e comunidad cu
mester sostene cualkier decision pa un emergencia economico nacional.

Durante ultimo decada turistanan Chines a aporta na cantidad di economia mundial, cu
awor ta wordo afecta diripiente den e situacion nobo, cu no ta duna ningun bista riba e
futuro cercano ni duracion di e problema actual.

DIARIO lo sigui informa.

https://www.diario.aw/2020/02/mester-prepara-aruba-pa-emergencia-economico/