Page 21 - MIN VOS

Grandmaster Chaco Cornelio ta e unico

Arubano cu su potret den e Museo di

Taekwondo na Muju, Sur Korea

- Advertisement -

ORANJESTAD (AAN): Actualmente un delegacion di Aruba den e deporte di
taekwondo ta na Muju, Sur Korea unda den algun dia e campeonato mundial di

taekwondo lo tuma lugar. Na banda cu Aruba tin su representacion den persona di e
atleta elite Monica Pimentel, tambe nos tin un referee internacional renombra cu lo
forma parti di e campeonato mundial aki. Grandmaster y alaves referee di taekwondo,
Sr. Jose “Chaco”Cornelio no ta un desconoci den e mundo di taekwondo, su 38 añanan

afilia na e deporte di arte martial a haci cu Chaco a bira un persona internacional den e
mundo aki. Den e Museo di taekwondo na Muju, Sur Korea tin un poster di e referee
internacional Arubano di taekwondo, Sr. Chaco Cornelio. Referee Cornelio ta e unico
Arubano cu tin un imagen di su persona den e walhala di taekwondo na e ciudad di

Muju, Sur Korea. Esaki sin duda ta un reconocimento hopi grandi pa nos isla. E deporte
di arte martial aki originalmente a wordo crea na e ciudad di Muju. Nos mester
considera Grandmaster Chaco Cornelio un orguyo di Aruba riba e tereno di deporte. Su
representacion pa Aruba den exterior mester wordo respeta paso e ta goza di un

reputacion unico. Algun aña atras Sr. Chaco Cornelio a wordo eligi pa forma parti di e
Hall of Fame di taekwondo. Riba e foto nos por mira Sr.Chaco Cornelio orguyoso dilanti
su potret den e Museo di taekwondo na Muju, Sur Korea.