Page 3 - RDA.

Bermudez kier haya e 40 miyon di

FMSA e aña aki ainda

Posted on 06/14/2017 11:36 am AST | Updated on 06/14/2017 11:36 am AST

ORANJESTAD - E suma di benta di e accionan FMSA(Fuels Marketing & Supply
Aruba) y e settlement agreement di Valero (hunto un suma di 67 miyon florin,
gobierno no a ricibi ainda. Segun e mandatario di finanza Angel Bermudez a
sigura NoticiaCla, nan ta 'staciona' na Refineria di Aruba. Manera por corda, a
dicidi cu ta bende e compania aki cu e refineria, y e suma di placa recauda di 40
miyon florin, lo bay pa gobierno. Gobierno sinembargo no a ricibi e placa aki
ainda. "E placa ey tey. El a wordo paga door di Valero na RDA. Ta RDA tin cu
cumpli cu e proceso pa e accionan wordo administra y nan sa di esey. "Mi no ta
weite como problema" Bermudez a bisa. Hunto cu e 27 miyon cu nan a ricibi di e
settlement, nan tin cu ricibi e 40 miyon adicional di e benta di FMSA. Esey por
tuma lugar 30 di december, pero basta cu nan bende. Pasobra esey si mi ta para
ariba cu e mester wordo realisa.

PAKICO A SCOHE PA ATENDE FMSA DI E FORMA AKI

Segun e mandatario a scohe pa atende cu e asunto di e forma aki, pasobra durante
negosacionan tabatin diferente scenario cu tabata mas faborable pa pais Aruba. "Pero
e aspecto nan aki ta parti di un combenio general caminda cu e refineria ta wrordo
traslada,y tur e invoerrechten y accijnsen. Entre nan tambe a traslada e accionan di
FMSA, como parti di e convenio. "Gobierno for di inicio tabata kier dominio di e fondo
pa e wak unda e ta aloca nan", Bermudez a finalisa bisando