Page 5 - AHATA

2 LOCAL AWEMainta Diabierna, 9 Februari 2024

Sistema di tempo lo

disminui den curso di awe y

claria pa fin di siman

a for di siman pasa e sistema di tempo a
Tcuminsa cambia aki na Aruba caminda e

prome indicacion, tabata caida di biento formal
riba henter e isla.

A conoce algun dia di hopi calor, crioyamente

bisa, sin un pipita di biento cu hasta a menasa di
stoba algun actividad di Carnal 70 pero esaki no
a hala atencion di tur hende.
Sinembargo e situacion a cambia mas ainda,

despues cu shelo tabata nubla constantemente
pa cinco dia, ora cu diamars mainta awasero a
cay masha hopi mes den varios bario rond di e
isla pero a stop durante di dia.

Lama tambe tabatin algun dia hopi plat y mescos
cu e biento, e olanan tambe tabata bin di direc-
cion di pabou caminda ayera e situacion a bira

pio cum hopi coriente fuerte y cu basta olanan
grandi.
Esaki a subi na gran parti di e beachnan di pabou,
algo cu por cierto ya ta custumber di sa sosode

anualmente pero e tipo di cambio di naturalesa
aki no ta algo cu ta sosode cu frecuencia pero
tin ora e ta pasa mas fuerte y mas pisa cu otro
dianan.

AWEMainta tin cu menciona cu ta for di diamars
ultimo, cierto canalnan cu ta cubri tempo den
varios zona rond mundo, a mustra riba e cori-

ente di biento cu a surgi for di California y hasta
for di Canada, subi bin ariba pasa cerca di Centro
America, parti di e costa di Ecuador y Colombia
pa despues cubri tambe cierto teritorio di costa

di Venezuela y a sigui bin ariba pasa riba tanto
Aruba, Corsou y Bonaire y e lo sigui te ora cu
e bolbe topa cu oro disturbio di biento dilanti
costa di Canada.

Segun informacionnan cu a bin dilanti ta mustra
cu e situacion di tempo pa awa lo disminui cu
posibilidad di entre 30% pa 20% di yobida awe

diabierna y pa diasabra y diadomingo e situa-
cion lo mester a claria.

Riba combinacion di fotonan por mira con lama

a subi y crea algun incomodidad n’e beachnan
banda di hotelnan.