Page 14 - UTILITIES

Segun e comunicado di gobierno, un representante di Platts Analytics ta indica cu e
mercado di crudo ta pasando den e “cambio di mas grandi den historia di mercado
petrolero” cu lo conduci na pusha prijsnan halto. E ta considera tambe cu esaki ta bay ta e
cambio mas perhudicial pa e industria di refinacion di historia, esaki segun e pagina
online oilprice.com.

INFLUENCIA

Riba e pregunta si Gobierno di Aruba por influencia riba e subida of bahada di prijs di
gasoline, e contesta ta keda na principio no, pasobra e prijs di crudo mundialmente ta fiho
ademas di e sistema cu e prijs ta wordo calcula aki pa hopi aña cu no a wordo cambia.