Page 6 - AM231003
P. 6
6 DEPORTE AWEMainta Diamars, 3 October 2023
Mi-John Falconi a gana den diferente categoria na florida
urante e fin di siman tra’i lomba, esta dia 29 y 30 di september y dia
Dprome di october, e hobencito Mi-John Falconi a competi den e Sun-
shine State National di BMX na Daytona, Florida, di cual tin di remarca
cu ta pa prome biaha cu el a core den exterior, representando Aruba den
BMX. Y cu placer nos tin di bisa cu el a sa di saca cara di Aruba, door di a
gana varios premio den diferente categoria.
Riba e prome dia el a core 2 categoria: Open Mix y Intermediate edad 7
aña. El a gana di dos luga den categoria di 7 aña.
Riba dia dos el a core un categoria:cu ta intermediate edad 7 aña. El a
gana di dos luga den categoria 7 aña.
Riba dia tres el a core 2 categoria: Open Mix y Intermediate edad 7 aña. El
a gana di prome luga den e categoria intermediate 7 aña. Y den categoria
di Open Mix el a gana den MEQ.
Apenas 10 luna coriendo Mi-John Falconi a cuminsa core bikecross na
december 2022. E tin actual 10 luna den e deporte di BMX. Na Aruba e ta
core den e categoria di Novice pero na Merca nan a pone core den cate-
goria di intermediate.
Mi-John tin te cu awo gana: Den careda local el a gana cuater biaha den
categoria novice. Mi-John a gana 2 biaha di dos luga y dos biaha di prome
luga. Den careda Latino Americano Internacional el a core dos dia den
categoria novice y el a gana tur dos dia prome luga den su categoria
novice 7 aña. Mi-John ta gusta e deporte di BMX y alabes e kier a gradici
tur hende cu a yud’e y kere den dje.
