Page 24 - MIN ARENDS_Neat

Motorola a lansa primicia na Aruba

durante conferencia di polis

Posted on 05/5/2017 12:06 am AST | Updated on 05/5/2017 12:07 am AST

ORANJESTAD - Motorola Solutions a presenta un solucion practico, cu ta proporciona
acceso na aplicacionnan mobil pa seguridad publico. Ayera 4 di mei, 2017-Motorola
Solutions Inc. (NYSE:MSI) durante di e di 32 Asamblea General anual y Conferencia di
e Asociacion di Comisarionan di Polis den Caribe (ACCP), a lansa comunicacionnan
inteligente como un servicio. E modelo di servicio aki ta duna instancianan di seguridad
publico y agencianan di accion di emergencia acceso na e aplicacionnan mobil di
seguridad publico como un subscripcion regular pa implementacion facil pa asina nan por
responde mas eficientemente na e necesidadnan di comunidad.

Tambe esaki ta permiti cu e agencianan y instancianan di seguridad publico brinda e
servicio inmediatamente sin e necesidad di un inversion inicial di capital den e centronan
di data y cu e siguransa di un actualizacion di garantia periodico di software,
manteniendo e servicio semper actualiza.

‘ “Motorola Solutions” Intelligent Comunications, como un servicio lo permiti seguridad
publico y agencianan di accion di emergencia den Caribe pa tin acceso y comparti
informacion critico y di inteligencia na un manera hopi sigur, riba e rednan existente di
networknan broadband’, asina e director di desaroyo di negoshinan pa America Latina y
Caribe di Motorola Solutions, Sr Francisco Urdáz, a remarca. "Pa un suscripcion regular,
usuarionan critico lo tin solucionnan di seguridad public actualisa, cla pa proporciona
inteligencia den un tempo “Realtime”.

http://www.noticiacla.com/news/9512