Page 2 - POST ARUBA OCT 7, 2015

AWEMainta Diaranson, 07 Oktober 2015 9

Congreso MEP 2015:

Resolucion di
miembronan
pa gana
autonomia
financiero di
Aruba bek

PARTIDO MEP a tene su Congreso 2015

diadomingo 27 september den un Cas di Cultura
completamente yen.
Y manera ta cumstumber miembronan di partido
por a presenta resolucionnan na nan partido. Un
resolucion cu a wordo presenta ta toca nos autonomia
financiero. Sr Doy Kelly a presenta esaki den nomber
di hopi firmante mas y sala a duna aprobacion mesora
cu un aclamacion fuerte.
E resoluion ta basa rib’e siguiente consideracionnan:

Partido MEP a wordo funda rib›e deseo di nos pueblo
di ta liber y e lucha incansabel cu a wordo hiba bou
di guia di Betico Croes den felis memoria, a culmina
den nos Status Aparte na 1986.
E forma di goberna responsabel bou di guia di Nelson
Oduber, a contribui cu nos a preserva nos autonomia.
Lamentablemente pa motibo di mal gobernacion e
Gobierno actual a redobla e debe nacional di nos pais
den apenas 6 aña.

E papel cu Gobierno di Reino a hunga den esaki ta
dudoso, pasobra a permiti e Gobierno actual redobla
e debe nacional. Tur esaki a culmina den perdida
di nos autonomia financiero cu introduccion di e
ley di CAFT dia 27 augustus 2015. Y p›e motibo ey
miembronan ta urgi partido MEP pa sigui haci tur lo
posibel y imposibel pa gana nos autonomia financiero
bek y si mester, denuncia Gobierno di Reino y
Gobierno di Aruba na instancianan internacional.

E resolucion aki a wordo aproba unanimamente
dia 27 september 2015 y den nomber di partido
lider di MEP sra Evelyn Wever-Croes a duna su
compromiso p›e lucha aki pa salba nos autonomia
financiero.