Page 80 - UDATED NEWSPAPER MINISTER ALEX SHWENGLRE

Medico Oncologo di Baptist Health a duna charla na Aruba
den congreso di oncologia

Publication: Monday, 19 October 2015. Categoria: General

ORANJESTAD (AAN): Recientemente a tuma lugar e congreso di Oncologia na Aruba,
caminda cu dr. Antonio Ucar, tabata orador. E ta un medico Oncologo y ta specialisa den
Cancernan gastrointestinal hermatologia. Den su propio palabranan el a relata cu el a bin papia
riba cancer di esofago y di stoma.

Di loke el a aprecia ta di e distinto specialidadnan. E congreso tabata bon organisa di un calidad
bastante halto. Un encuentro asina cu varios profesional hunto, pa Ucar ta importante comparti
cu profesionalnan cu dentro di Oncologia ta mira otro parti di e area aki.

E ta medico oncologo, principalmente ta duna tratamento di kimoterapia y pero tambe tin
mediconan ciruhano oncologo cu loke ta opera e distinto tipo di cancer y tambe tin mediconan di
radioterapia cu ta receta tipo di tratamento. Usualmente e tratamento ta un combinacion di e tres
tipo di terapia. E parti di kimoterapia, radioterapia y cirugia.

E dokter ta sigui splica cu un parti hopi importante ta precisamente e interaccion di e distinto
specialidadnan, no solamente purba di cura e cancer cu un solo modalidad, pero uza e tres
modalidadnan di tratamento, cual a wordo menciona anteriormente.

Specificamente por lo menos loke respecto e tratamento di oncologia medico. Tin
medicamentonan nobo. Tin anticurpanan cu ta mas specifico cu no ta afecta hopi e celulanan
normal manera e tratamentonan tabata haci antes. Nan ta tratamento cu ta afecta principalmente e
celulanan di cancer cu tin e receptor cual nan ta dirigi na dje.

Ucar ta splica cu e presentacion a bay hopi bon. E ta sigui splica cu e mediconan ta hopi interesa
den e tema cu a keda discuti y tur e discusion di e diferente cancer tabata un secuencia di scucha
e opinion di e ciruhano of esun di e radioterapeuta of di e oncologo medico y segun Ucar, esey ta
haci e discusion mas interesante.

Tur hende tabata hopi satisfecho cu e discusion cu a tuma lugar.
Ohala tabata tin un secreto pa evita cancer, por a evita cu e pashentnan enferma na prome lugar.

En general loke ta recomenda ta un bida saludabel, un dieet abao den vet, purba di evita consumi
alimentonan cu tin expone na kimiconan, evita huma, evita bebidanan alcoholico en exceso, tur
cos den moderacion ta bon. E excesonan semper ta malo, segun e dokter.