Page 13 - BNDIA ARUBA

a13
riba caya Dialuna 11 november 2019

Ruman homber a bringa

cu ruman muhe cu a haya

bishita marduga

ORANJESTAD –Diadomingo marduga na Rooi Afo a
surgi un problema di famia entre dos ruman, esaki ta
na momento cu e ruman homber a haya sa cu e ruman
muhe a haya un bishita den oranan di marduga.

E ruman homber no a gusta e situacion y a cuminsa busca
problema, Polis a presenta na e cas pa prome biaha y a
intermedia. Cos a keda trankilo un rato pero despues di rato
e ruman homber a sigui cu e problema y a bringa cu e ruman
na e cas ya cu e cos a molesti’e di e bishita cu e ruman muhe
a haya.

Polis a bolbe presenta y asina intermedia y a duna e ruman
homber un lift pa keda otro caminda, pa asina e famia por
drumi trankilo.

Accidente frontal riba brug di Piedra Plat cu herido

ORANJESTAD – Diasabra pasa di 7:30 anochi riba e
caminda di Piedra Plat yegando e brug ta sosode un ac-
cidente frontal entre un Yaris y un Honda.

Segun testigonan tabata tin pustamento di dos auto biniendo
di pabou y un a pasa otro y e Yaris no a logra cu consecuencia
a dal frontal den e Honda biniendo for di pariba.

E impacto fuerte a laga e chauffeur di e Yaris herida. E chauf-
feur di e Honda a resulta levemente herida. Ambulancenan
tabata presente pa atende cu e victimanan.
Polisnan di trafico tabata na e sitio pa haci nan investigacion.