Page 14 - MIN VOS 19 AUG 2015

26 AWEMainta Diaranson, 19 Augustus 2015

Aruba Triathlon Association lo organisa
e competencia di Aquathlon Nacional

DIADOMINGO awor 23 di augustus, Aruba Triathlon As-

sociation lo organisa su Aquathlon Nacional pa tur interesado.
E evento di aquathlon lo inicia pa 7or di mainta n’e lugar di
custumber, cual ta Boca Catalina.
Lo bay tin tres categoria cu ta Kids te cu 14 aña cu lo core 1.25
km despues mester landa un total di 375 meter y por ultimo
core un distancia di 1.25 km.
Den e categoria di Junior & Adulto Male, esakinan lo mester
core 2.5 km despues landa 750 meter y completa e evento
unda lo mester core 2.5 km.
Por ultimo den e categoria di Female Open 15+, nan lo inicia
cu e careda di coremento riba un distancia di 2.5 km despues
landa 750 meter y completa e careda cu un coremento di 2.5
km.

Mester bisa cu e deporte triatlon, aquathlon y duathlon a bira
masha popular mes na Aruba den e ultimo añanan unda a
haya un acogida masha hopi atletanan nobo.
Ya den un edad relativamente jong e atletanan ta wordo encu-
rasha pa practica e deportenan aki cu ta exigi un reto grandi
mirando e resistencia y intensidad cu uno mester por cune.
E tres disciplina di deporte esta landa, core bicicleta y core
na pia den e mesun evento no ta nada facil, sigur si mira e
distancia cu e atletanan mester recori.