Page 36 - Diario

PAGINA 36 DIARIO DIALUNA 2 NOVEMBER 2015

Opinion Publico:

No ta husto
pa tur

Venezolano
paga pa un
grupito di

mala fe!

ORANJESTAD (AAN) –
Matutino DIARIO a ricibi
yamada di diferente residente
Venezolano, cu ta sinti nan
mes preocupa cu e desaroyo-
nan cu ta tumando lugar na
Aruba, debi na entrada di nan
compatrionan na nos Isla.
Ta trata aki di personanan cu
tin hopi aña bibando y trahan-
do duro na Aruba, y cu aunke
ta conciente cu tin un grupito
di Venezolanonan cu ta drenta
cu mala fe, no ta e mayoria.
Hopi di esnan cu ta biniendo
como turista cu ta keda poco
dia, unico cos cu nan ta busca
ta un manera pa por lanta cent
pa sobrevivi, y nan ta con-
tribui cu nos transporte pub-
lico, cuminda, ademas cu nan
tin cu paga tax pa locual nan
ta saca di ATM machine.
Tambe tin e grupo grandi cu
ta bin haci compras. E per-
sonanan cu a comenta riba
esaki, tin di nan mes tin pa-
cus y nan ta bende mas cu e
Venezolanonan cu tin manera
y cu ta cumpra bon, cu loke
nan ta bende cu turistanan
Mericano.
E turistanan Venezolano cu ta
bin den crusero si ta cana te
Caya pa haci compras. Nan ta
cumpra hopi cosmetico caro,
bril di marca, holoshi, joya,
paña di calidad, etc.
E personanan aki, cu ta bisa
cu nan ta bon lector di nos
Matutino DIARIO, a pidi nos
encarecidamente pa trece di-
lanti nan punto di bista tambe,
pasobra hopi Venezolano hu-
milde cu no ta biniendo Aruba
pa haci algo malo, y tin hopi
Venezolano cu poder di com-
pra fuerte, cu tambe ta laga
basta di nan placa den nos
comercio, hotel, huurmento
di apartamento of condomin-
ium, supermercado, V-auto,
y mucho mas. Nan ta pidi
pueblo pa no crea Xenofobia
y cu pa un rato pone nan den e
zapato di e Venezolanonan cu
ta bin Aruba tambe pa relax y
pasa algun dia sikiera den un
ambiente trankil y agradable
manera Aruba ta pa nan.
Cu otro palabra e peticion ta
pa no generaliza.