Page 5 - FLPD

8 AWEMainta Diahuebs, 26 November 2020

IT Challenge un anochi exitoso den Cas di Cultura

Divita t’e ganador absoluto traha pa Lidia Maldonado

DIA 23 di november 10 participante a logra pa bay e
final di e IT Challenge. Dia 17 di november e comision
di SEYO Nacional a haci un evaluacion di e 17 piesanan
entrega y a revela e 10 finalistanan p’e evento final dia
23 di november.
E panel di hurado tabata uno varia y cu un Presidente
di hurado sin voto. Esnan cu a forma parti di e hurado

ta Alice van Romondt, Jodi Tobman, Frank Croes,
Diantha Boekhouwer, Talitha Schouten y Vicky Arens,
Presidente di Hurado sin derecho di voto. Sin duda
algun nan tabatin un tarea difícil, pero a logra na saca
e 3 ganadornan. Nan a pone enfasis riba e siguiente
puntonan. E piesa mester ta uno original cu no a
ricibi un SEYO di artesania ainda, inspira dor di nos

naturalesa, storia, historia y cultura.
Tambe e participantenan mester a entrega un storia
di nan inspiracion y e concepto. E por ta traha cu
toolsnan simpel of cu machinenan cu ta opera na
man.
Mester tin un acabado bunita y mester a usa e
material adecuado y domina e material. Un punto
hopi importante tambe ta cu e mester tin un balor
comercial y mester por wordo replica pa por traha

un coleccion. Y como e delaster punto e mester tin e
factor WOW.

E anochi aki a pasavideo di e participantenan, tambe
a splica mas di e piesa y e huradonan tabatin e
oportunidad pa por haci nan preguntanan.
E di dos finalista keda den persona di Michella van

Loon cu su piesa Oruma, e prome finalista tabata
Freddy Ramirez cu su piesa Birds Eye View y e ganador
absoluto a keda den persona di Lidia Maldonado
mihor conoci como Lia cu su piesa yama Divita.
E anochi tabata uno diferente y culminante cu MC
Joanne Dirksz Directora di Cosecha y Leonardo
Phillips cu no ta desconoci den e mundo di arte. Un
sala completamente yen mantenendo nan mes na e
protocol di Covid-19 di Cas di Cultura y cu hasta bo ta

wordo asigna na bo asiento.
Dor cu tabatin menos lugar pa sinta tambe a opta
pa pasa e anochi aki live riba e Facebook page di
Cosecha. Por bishita e paginanan di social media pa
admira e piesanan y tambe por wak e videonan di e
particpantenan.

Pa mas informacion por tuma contacto cu Cosecha
Oranjestad na telefon 5878709. Tambe por manda un
email na cosechaworkshop@gmail.com. Pa por keda
informa di Cosecha su workshop, artesano, artistanan
y nan webshop nobo por bishita nan Facebook page:
Aruba-Cosecha Instagram page: cosecha_aruba y
Webpage: www.arubacosecha.com