Page 4 - Nagico

AWEMainta Diaranson, 03 Februari 2016 15

Di acuerdo cu MEP

Minister Dowers a
viola constitucion
articulo iii.17,
Ministernan mester
contesta pregunta di
Parlamentarionan

MINISTER Arthur Dowers, den un muestra di

arogancia total, a comete e peor eror cu un gobernante
por haci: Viola articulo III.17 di nos Constitucion, segun
fraccion di MEP.
E texto di e articulo ta:
Artikel III.17 Elk lid van de Staten heeft het
recht vragen te stellen aan de ministers en de
staatssecretaris. De ministers en de staatssecretaris
beantwoorden deze vragen binnen redelijke termijn,
voor zover het beantwoorden daarvan niet strijdig
geoordeeld kan worden met het belang van het Land
of van het Koninkrijk.

Fraccion di MEP a haci Minister Dowers 71 pregunta por
escrito durante tratamento di presupuesto, manera ta
custumber. E Minister a contesta 25 pregunta, y e demas
46 e mandatario a contesta cu lo contesta nan durante
e reunion publico.
Pero durante e reunion publico e Minister a nenga di
contesta nan, argumentando prome cu e fraccion no tin
interes pa scucha contesta.
Lider di MEP a splica e Minister cu si e personalmente
no tin confiansa mas den e Minister, no kiermen cu e
Minister por keda sin contesta preguntanan tocante e
Ministerio.

Despues Minister Dowers a argumenta cu ya el’a
contesta nan caba den pasado. Pero con e por a contesta
nan si varios di nan tin di haber cu e presupuesto 2016?
Ta obvio cu Minister Dowers no ta interesa den cumpli
cu su deber constitucional, y bou e circumstancianan
asina, e no por keda mas como Minister.
P’e motibo ey fraccion di MEP a entrega un mocion di
desconfiansa contra Minister mr. drs. Arthur Dowers.
Esaki t’e di 5 mocion di desconfiansa contra Arthur
Dowers.

SINBERGUENSA
E Minister tabatin un actitud hopi bergonsoso den
Parlamento, pasobra aparte di mustra su arogancia y
no contesta pregunta, e tabata stroba Parlamentarionan
di MEP pa hiba palabra, y hasta a yama Glenbert Croes
(MEP) pa SINBERGUENSA!
Algo cu a cay den masha mal tera. E nivel di e Ministernan
a laga hopi di desea, pero especialmente esun di Arthur
Dowers, segun fraccion di MEP.