Page 8 - AHATA
P. 8
Diaranson, 5 April 2023 AWEMainta LOCAL 11
Aruba Marriott a celebra su hende muhenan den liderazgo
DIA internacional di hende muhe ta un dia cu ta wordo celebra
rond di mundo, reconociendo e esfuerso mundial di e hende
muhe y unda cu e muhe den liderazgo a yega den e dia di awe. Pa
honra e dia aki y celebra nos 147 supervisornan, managernan
y ehecutivonan femenino, cu ta representa un total di 53% di
e ekipo di liderazgo pa e compleho di Aruba Marriott. E ekipo
di recurso humano a colabora cu señora Belquis Moreu, direc-
tora di “Moreu Facilitation & Healing center” pa un charla
encuanto ‘kibrando bareranan, creando un sistema di apoyo
pa hende muhe den liderazgo’
Durante e atardi espectacular aki, nos lidernan femenino a
wordo ricibi cu un caluroso bon bini ora cu a wordo invita
pa sinta den grupo caminda a ricibi un “hand out” cu infor-
macion ariba e charla, alabes a ricibi un dushi ‘snacks box’,
cos di bebe refrescante, y cos dushi manera cuki y ‘dulce de
leche’. Presentacion pa un DJ tambe tabata di nota, como un
dushi background music durante e atardi.
Cada grupo a haya e oportunidad di comparti hunto cu señora
Belquis nan vision pa cada subheto cu a wordo presenta,
y asina, e atardi tabata uno ameno yena di combersacion,
dialogo, y risa. E grupo completo a keda contento di por a
siña mas di e tema y tuma un tempo pa reflexiona kico ta
nifica ta hende muhe. Sigur un evento pa e bukinan!
Pa esnan cu ta desea di forma parti di e famia di Aruba Marriott,
por bishita careers.marriott.com pa aplica pa e posicionnan disponibel.
Mas di e Compleho di Aruba Marriott:
Aruba Marriott Resort & Stellaris Casino a habri na aña 1995 cu 411 camber y despues a añadi 3 camber mas na aña
2018. Na aña 1999 a habri Ocean Club cu 311 camber y na aña 2004 a habri Surf Club cu 900 camber. En total, e famia
di Aruba Marriott ta consisti di mas o menos 1200 empleado den servicio directo. E compleho di Aruba Marriott ta esun
di mas grandi den henter Caribe, tanto den cantidad di camber como den cantidad di empleado.
