Page 46 - MIN ON 12 MAART 2016

MFA Noord ta cumpliendo su funcion como punto di
encuentro pa e bario Grupo Uni a celebra den auditorio

Thursday, 10 March 2016 19:55
Comparti

Ademas di ofrece varios servicio importante bou di un solo dak, MFA Noord ta cumpliendo cu su
obhetivo di ofrece un punto di encuentro pa ciudadanonan di e districto. Diahuebs mainta 'Grupo Uni' a
celebra su actividad pa 'Dia Internacional di Hende Muhe' den e auditorio di e edificio conoci tambe
como 'Cas di Titi'.
Casi 50 dama, tambe algun cabayero a disfruta di un mainta masha agradabel cu a inclui charla, rifa di
premio, pero tambe un dushi almuerzo. Minister Michelle Hooyboer a haci un bishita y a bin cu treat pa e
grupo cu ta cumpliendo e aña aki nada menos cu 38 aña di existencia.
Gerente di MFA Noord, Richard Tromp ta masha contento cu por ofrece na gruponan di Noord, manera
'Grupo Uni', un espacio caminda por bini hunto pa comparti tempo y crea conexionnan social. MFA ta na
disposicion di otro gruponan similar den e bario y ta ansioso di por cuminsa traha cu nan den un futuro
cercano.
Esnan interesa ta bon bini pa yega na oficina di MFA Noord pa asina combersa riba e diferente
posibilidadnan. Tambe por tuma contacto atraves di e pagina di Facebook of yamando 281-0001.

Comentarionan (0)