Page 17 - MIN JUS

ORANJESTAD (AAN) – Parlamentario mr. Andin Bikker a declara den conferencia di
prensa di Paritido POR e Forza Nobo, Diamars mainta, cu e gobierno aki ta riesga pa
Hulanda impone un decreto riba dje, pa introduci un Kamer di Integridad of integriteit
kamer manera nan ta yame.

E parlamentario a expresa esaki pa contesta un pregunta cu a bin dilanti, si POR ta
evaluando pa denuncia na Ministerio Publico e iregularidadnan di cual Otmar Oduber a
papia, y a mustra prueba den e conferencia di prensa.

“Seguramente nos ta evalue pero e dimension ta bay un tiki mas leu” Andin a indica. El
a splica cu e dimension ta cu Reino Hulandes a impone riba Sint Maarten un decreto cu
cual basicamente nan a instrui e gobierno di e isla y su Gobernador pa haci tur posible
pa institui un Kamer di integridad.

“Un kamer di integridad ta bay mas leu cu solamente un acto ta castigable penal si of
no. E ta bay pa loke bo ta sinti den fibra di bo ser como gobernante, si bo ta
gobernando corecto si of no. Anto esey ta e nivel cu nos mester yega, pasobra na final
di dia mi ta kere cu un sr. Sevinger mester por sinti den e fibra di su ser cu como
minister cu tin intencion di goberna bon, no por ta posible cu tantisimo biaha den su
oficina e ta haya peticionnan sumamente cuestionable na su man, na e momento ey
mes e ta core firma”, mr. Bikker a expresa.

Manera cu su colega Otmar a trece dilanti un par di caso, tin mas cu lo bin segun
Bikker. El a agrega cu ta fresco den su memoria e caso di un persona cu te ainda ta
deteni na Merca cu den apenas cuatro dia, den dianan di fiesta, inclusive a haya un pida
ampliacion di un tereno erfpacht firma tambe den un rato di ora, mientras cu tin miles
di ciudadano wardando riba un pida tereno pa nan construi un cas y cu varios biaha el
a señala cu graficonan cu e propio minister e entrega na Parlamento bao peticion di sr.
Bikker mes y cu ta mustra cu e gobierno aki a traha apenas 74 cas cu nan a hereda di
sra. Marisol Lopez-Tromp, tempo e tabata den gobernacion.

“Pesey mi ta di opinion cu e gobierno aki ta riesgando pa Hulanda impone un decreto
riba nos pais, pa obliga gobierno institui un integriteit kamer pa salvaguardia e
integridad di Aruba. Y esaki despues cu ya caba a impone di un dia pa otro un protocol
di CFT pa trece supervision financiero riba e propio gobernacion di sr. Mike Eman, ken