Page 27 - MIN JUS

MINISTERIO DI HUSTICIA TA INFORMA:
TUR DIA POLIS TA CONTROLA Y ESAKI TA
LOKE TA HACI NOS TRAFICO SIGUR

May 16, 2017 Admin Uncategorized Leave a comment

ORANJESTAD : Concientisacion ta un methodo esencial cu tur instancia ta haci uso di dje, pa
educa of mihor bisa, pa recorda un grupo di hende riba un topico cu kisas nan no tawata sa of cu
nan a lubida riba dje. Minister Dowers a splica cu e methodo aki, su ministerio a bin ta haci uso
di dje desde cu su persona a wordo encarga cu e cartera di Husticia, y e ta un methodo cu su
persona sa sigur cu e ta duna su resultadonan positivo. ‘Un di e ehempelnan cu nos por duna
sigur, ta e concientisacion cu nos a bin ta haci durante casi 8 aña largo, pa cu awe nos tin un
trafico hopi mas sigur, compara cu algun añanan pasa’, Minister Dowers a comenta. E no ta
cuestion di hasi esaki un pa dos dia y e la caba, pasobra e ta tuma su debido tempo. E uncio cos
fastioso di esaki ta, cu bo no lo bay mira su resultado a corto plazo, pero mas bien si riba un
termino mas largo y su ventaha ta, cu e ta uno duradero.

Miniester Dowers a remarca cu e la tuma nota, for di belastingdienst, esta servicio di impuesto di
Aruba, cu tin 20% di personanan cu ta doño di un vehiculo di motor, cu ainda no a haci pago di
nan belasting di nan vehiculo di motor cu nan tin den uso. Mirando cu nos polisnan ta hopi
activo cu nan controlnan reguroso den tur skina aki na Aruba, e titular di husticia kier a participa
na nos comunidad, pero en especial e 20% cu ainda no a regla nan impuesto di vehiculo di
motor, pa nan tene bon cuenta cu esaki. Segun por a compronde for di servicio di impuesto cu
nan tin un plaso te cu dia 29 di mei 2017, pa e 20% di personanan cu nan ta referi na dje y cu ta
representa 15.228 platchi di number, cu nan por pasa e oficina pa regla un cu e otro ainda.