Page 52 - MIN JUS

Scol di polis a bira hopi chikito segun e directora Jeannete
Richardson Baars. E ta chikito caba. Mainta por a mira cu no

tin luga pa para mas. Pesey ta bezig ta Scol di Polis a bira

chikito y kier busca un lugar grandi pa Academia di Husticia
y Seguridad

Monday, 08 May 2017 20:50
Comparti

Scol di polis a bira hopi chikito segun e directora Jeannete Richardson Baars. E ta chikito caba. Mainta
por a mira cu no tin luga pa para mas.

Pesey ta bezig ta wak ki solucionnan tin. Ta purbando di haya un luga pa por traha un scol full di nobo,
pasobra e mester bira un academia pa husticia y siguridad. Esey ta nifica cu tur e opleidingnan cu tin algo
di haber cu husticia, por tuma luga eynan. Esey ta nifica cu bo mester tin mas luga pa duna les, pero
tambe kier bin bek cu e internado, unda e muchanan por keda den e prome lunanan di nan educacion.

Internado
E internado ta den mente. Ta pa hopi aña ta pensando riba dje, pasobra a ripara cu awor aki e scol ta
wordo mira manera un scol. Bo ta yega mainta, bo ta bay cas despues di atardi y bo no tin di haber mas
cu polis y esey no ta e actitud cu kier. Ta polis 24 ora pa dia y esey ta nifica cu mester hay’e den bo sanger
cu esey ta bo responsabilidad den bo comunidad. Pesey kier bin bek cu internado pa stimula nan tambe
pa siña. Si bo ta bay cas, bo tin bo famia, bo tin por ta yiu, tin otro responsabilidadnan y por ta cu bo no
ta yega pa studia kico bo mester studia pa e siguiente dia of pa un tentamen of examen. Esey kier preveni
pa pone nan den un internado, por ehempel prome 6 luna of aña di educacion, pa haya e sentimento pa
sa kico ta un polis y ta un tiki mas exitoso den nan estudio.

Satisfecho
Richardson-Baarh a splica cu ora e muchanan ta cla, despues di 2 of 4 aña nan ta contento, pasobra a
papia hopi cu nan caba over di resultadonan, con nan ta sinti nan mes, con nan houding ta, etc. E
momento cu nan ta bay den praktijk, e ora por ta hende ta draai un tiki, nan ta cambia y esey kier preveni
pa pone un tiki mas atencion ainda riba dje. Ora cu nan sali for di scol, nan ta bon educa, nan ta
disciplina y nan por haci e trabao.

Cuanto hende hayando les
Tin mas of menos 2 pa 3 klas cu ta haciendo examen. Ta calcula entre 100 pa 150 alumno ta na scol.

Tin un MKO tambe cu ta haciendo examen. Esey ta Middenkader opleiding. Esey ta un opleiding pa bira
Hoofdagent van politie. Esey ta prome nivel pa duna guia riba caminda. Esey ta casi cla for di nan
opleiding. Den September ta cuminsa cu dos klas nobo di MKO, Richardson-Baarh a comenta.