Page 7 - WEB MARCH 12,2016

Donny Rasmijn: Reunion cu a trata tema di Citgo tabata uno
hopi fructifero

Friday, 11 March 2016 16:23
Comparti

Donny Rasmijn, Parlamentario di AVP, ta presidente di comision di ciencia y innovacion, energia y
desaroyonan sostenibel y tabata presente na un reunion cu esnan envolvi riba e proceso di negociacion di
CITGO.

E reunion a wordo haci den dos comision cu a trata e tema di Citgo, entre nan tambe comision cu Andin
Bikker a presidi, cu ta regarda companianan nacional. E reunion aki tabata hopi fructifero, pero
siguramente como miembronan di Parlamento kier a haya sa con e negociacionnan ta andando. Ta
conciente cu pa final di e luna aki, e draftnan mester ta cla. Tin entendi cu ta cuater ley ta bay wordo
presenta. Entre nan e acuerdo lo bay ta tambe. Nada lo no wordo haci sin e aprobacion di Parlamento.
Kiermen cu parlamento constantemente ta participando y manera cu e reunion aki ta trece eyden, ta haci
e preguntanan pa haya sa mas hopi posibel con e proceso ta andando y kico tur ta e contractnan cu tin
den dje. Tambe pa wak con e sistema ta bay traha. Awor aki tin entendi cu gobierno ta bay tin un
koepelend orgaan cu ta bira e refineria di Aruba y bao di dje tin e refineria tin e oilterminal, tin e parti di
waf y e parti di mercadeo. E oiltransshipment ta cay den e lease completo cu Citgo, tin e refineria cu
tambe ta cay den e lease. E parti di Marine, esey mester discuti ainda, con e ta bay cay, pero tin e
posibilidad cu e por cay bao di APA tambe.

E parti di mercadeo, gobierno ta proponiendo pa cumpra e accionnan over y asina e ta bira un compania
nacional mas di gobierno. Locual cu ta tende aki ta zona hopi bon. E ta mustra basta complica si, si
compar’e cu e acuerdonan cu tabata tin antes di overdracht di refineria, esaki ta hopi mas complica, pero
si ta papia di contractnan tambe cu ta bay di minimo 15 pa 25 aña y den dje tin e parti cu lo bay uza gas,
en bes di e azeta, cu sushi cu tabata tin e tempo ey. A bin preguntana tambe riba medio ambiente, locual
ta hopi importante pa nos pais y berdad ta wordo bisa cu ta uza gas natural. Y si ta bay trece den tuberia
di Venezuela pa Aruba of ta bay trece un barco aki pa descarga den un manera likido y despues ta uze,
haci’e gas, vaporise uze pa refineria y WEB. E otro parti ta e holonan fastioso cu tin rond di e refineria,
con ta bay mitiga esaki. Tur e puntonan cu a wordo adresa y nan ta importante pa bay wak con ta prepara
p’e. Ta mustra si cu nos cuerponan manera DTI, mester ta un cuerpo cu tin cu bay bek hopi bon, pone
hendenan cu mas experiencia cu refineria. Tin cu bay trece nan aden, of traha un departamento special
pa esaki, pa asina monitor tur e programanan cu ta pasando eyden. Si tabata tin antes, ta haya refineria
ta draai, kico cu pasa eyden, sea cu biento ta bira y holo ta bin riba pueblo, ta cosnan cu tin cu atende cu
nan, percura cu e operacionnan di refineria ta den un nivel asina halto, cu no ta bay haya e gastonan aki.
En realidad, ta wak refineria na Hulanda, Merca, unda cu nan ta opera di un manera silencioso y limpi. E
biento por bira unda banda cu ta, pero no ta afecta ningun hende rond di dje. Esey ta e direccion cu kier
bay cu e refineria. Por sinti cu e negociacionnan ta basta leu.

Tur pregunta haci a wordo contesta y ta papiando di dentro di tres siman, tur cos mester ta cla y ta cla pa
presenta na parlamento y ta hopi contento di tende esey. Hasta pregunta tocante labor a bin dilanti y
manera semper e ta bay ta nos localnan prome y esey tin entendi cu tur esaki ta bayendo den un proceso
hopi bon y tin di sas si cu na cuminsamento, ora ta haya cu hopi trabao, no ta bay tin suficiente hende pa