Page 16 - HOH

www.awemainta.com WWW.Facebook.com/awemainta noticia@awemainta.com 583 1400 Diahuebs, 28 October 2021
HOH contento cu a muda mas

departamento pa nan localidad nobo

Durante e ultimo siman tras di lomba, Dr. Horacio E. Oduber
Hospital a muda diferente departamento pa nan localidad nobo
y completamente renoba. Algun di nan a muda cu e simpel
proposito p’asina por start cu renobacion den e hala oost di e
edificio principal, conoci como Toren A.
Un bon planning ta esencial den esaki, e.o. e transport di material,
e necesidadnan riba tereno boticario, IT, interieur, limpiesa,
issuesnan tecnico y mucho mas. Ful e proceso di muda a rekeri
hopi ora di preparacion y un cooperacion inmenso di diferente
departamento. Pues alfinal cada biaha e enfoke ta pa minimalisa
molester pa pashent, bishitante y tambe trahado.

Pues di siman pasa a muda Departamentonan di Cuido A4
di un banda p’e otro banda riba di 4 piso mes. Tambe a muda
departamento di B4 pa nan localidad nobo na piso 2 den Toren
A, esta A2. Tambe a logra muda A3 pa nan localidad nobo e otro
banda di mesun edificio.
Departamento di Wondenpoli tambe a conoce un localidad nobo
y awor ta situa den Area A na bo man robes asina cu drenta
entrada principal actual di HOH.
Despues di algun trabou lo sigui cu e planning di algun otro
mudansa cu ta necesario p’e banda di edificio principal keda bashi
y asina por cuminsa renoba esaki. Alabes lo sigui cu trabounan
na entrada principal p’asina mayoria di e “scope” completo di e
proyecto grandi por keda cla.

Hospital ta sumamente contento cu e cambio positivo ya cu e
localidad nobo tin hopi bentaha p’e pashent; e ta mas amplio,
priva y empleadonan por traha na un manera mas eficiente cu
ekipo y cama mas nobo. Danki ta bay na e team completo di
Bouw di HOH hunto cu nan team di diferente departamento
di HOH cu a haci’e posibel y trankilo pa nos pashentnan.
No por keda sin gradici tambe e team di SOGA y Land Aruba p’e
tremendo cooperacion p’e proyecto di renobacion y construccion
di Hospital di Aruba.
Trahando na un manera responsabel y sigur p’e pashentnan ta un
prioridad fundamental pa e institucion aki. Na final di e proyecto,
Hospital lo por brinda mas y miho cuido na tur pashent.

The #1 Payroll & HRM Software in the Caribbean

Tel. 583-7072 | info@vcc-int.com | www.vcc-int.com