Page 41 - ATA

Pa 2020 lo tin un total di 4,587 camber adicional, esaki ta significa un alrededor di
24,000 persona mester imigra na nos isla pa asina nos por yena e trabounan cu mester
wordo genera. Cada camber di hotel cu bin aserca ta rekeri 1.5 hende pa traha.

CBS ta señala cu di cada 100 trabou cu wordo crea den e sector hotelero, solamente siete
(7) di esakinan lo ta destina pa un local. Alabes di cada persona cu imigra, cada un lo bin
Aruba cu 3 codependiente (Famia).

Durante e ultimo 32 aña desde cu Aruba a logra su status aparte, nos poblacion a crece di
60,000 pa 120,000; un crecemento di 100%.

Pues, a bira ora pa nos realisa cu cada camber cu wordo construi,

 ta bai acosta di nos medio ambiente.
 ta pone presion riba nos sistema di beneficionan social (pensioen/SVB, Cuido
medico/AZV).
 ta satura nos lugarnan di recreo (e.o. nos beachnan), sin lubida e trankilidad cu nos
turistanan ta bin busca – mes tanto na beach como tambe den trafico.

E demanda cu e crecemento sin limite aki ta pone riba nos ciudadanonan y riba e isla en
general, no ta uno sano, mucho menos sostenibel.

Desde 2001 un total di 15 Condominiums a keda construi na Aruba fuera di un cantidad
adicional cu ta planea pa wordo construi.

Remarkabel ta cu gran mayoria di condominiums no ta cumpli cu nan obligacionnan cu
mester pa opera na Aruba. Ta referi na e Fair-share di tax manera 9.5% tourist levy como
tambe e Environmental Levy cu a ser introduci desde 1 di augustus 2013.

Nos no por keda opera di e forma cu nos ta operando durante e ultimo añanan door di
laga multinationals probecha di Aruba, bin yena nan saconan sin contribui cu nan parti
husto di impuesto.

Na 2004 dr. Sam Cole y dr. Victoria Razak a produci un documento basa riba nan
estudio, pa loke ta trata nos turismo den e proximo 40 pa 50 añanan.