Page 25 - MIN TTC 5 MAART 2016

AWEMainta Diasabra, 05 Maart 2016 11

Comision Celebracion Dianan Nacional

Ta participa na gruponan
uniforma pa inscribi pa
desfile di Dia di Himno y
Bandera 2016

COMISION Celebracion Dianan Nacional (CCDN) ta

participa na tur gruponan uniforma tanto di autoridad,
scouting, social, cultural y deporte pa pasa busca nan
formulario di peticion pa inscripcion na e desfile pa
Dia di Himno y Bandera na Departamento di Cultura
riba L.G. Smith Boulevard # 134, prome piso tras di
DA Drogesterij. Ultimo dia pa inscribi lo ta dialuna 14
di maart 2016.
Banda di e acto protocolar y aubade lo tin e desfile cu
aña pa aña ta birando mas grandi y ta un oportunidad
pa laga nos invitadonan, mandatarionan y pueblo cera
conoci cu tur nos gruponan uniforma.
E hisamento di bandera y cantamento di nos
himno mescos cu aña pasa lo tuma luga dilanti di
Bestuurskantoor.
E defile tambe lo tuma luga riba Lloyd G. Smith
Boulevard dilanti di Bestuurskantoor.
Ta importante pa nos celebra nos Dia Nacional di Himno
y Bandera conhuntamente cu nos mandatarionan y
duna apoyo na nos participantenan di desfile cu ta un
atraccion di tur aña. Caminda ta duna honor na nos
bandera.
Na tur esnan cu ta bay participa na e desfile ta ser pidi
na lider of representante pa tuma contacto cu sr. John
Hassell, subcomision CCDN via email: j.hassell@
arubagovernment.aw of jmhassell@setarnet.aw.
Na e lidernan cu lo a ricibi e formulario via nan mail,
sea asina bon di yena e formulario aki y mand’e bek
pa sr. Hassell di CCDN mas lihe cu ta posibel pa por
procesa e inscripcionnan. Esnan cu a cambia di e-mail
por fabor manda e mail adres corecto pa sr. John
Hassell via su mail.
Comision CCDN ta spera cu nos gruponan uniforma
tuma nota di esaki, inscribi y participa na nos desfilenan
di 18 di maart proximo. Ultimo dia pa inscribi lo ta
dialuna 14 di maart venidero.