Page 28 - KPA_Neat

Cuerpo Policial a haya mas material pa traha cun’e

Wednesday, 03 May 2017 18:34
Comparti

Tin mas material pa cuerpo policial. Ta hopi auto nan a haya. Minister di Husticia, Arthur Dowers, a
splica cu Gobierno ta dunando contribucion pa nan haci esaki posibel. Ta contento cu tin mas material ta
wordo poni na disposicion di nos comunidad.

Ta importante pa por cera cabes hunto y traha na combati crimen den e pais aki y ta contento pa bisa
tambe cu Toyota ta un partner den e lucha contra crimen, mirando cu nan ta contribui hunto cu otro
companianan na presenta material di calidad cu ta haci posibel cu ta yega, na momento cu mester yega
un caminda pa actua y percura pa nos comunidad ta protehi. Awo polis tin auto nobo. Algun dia pasa un
miembro di Parlamento a bisa cu ta un auto di polis tin y e nobonan ta wordo uza pa leiding core aden
hiba yiu scol, cual no ta berdad. Dowers a splica cu por mira mas material cu ta bin netamente pa Cuerpo
Policial por haci trabao y pa siguridad di nos pais. Ministerio di Husticia den ultimo añanan a inverti
hopi den husticia y Cuerpo Policial y ta sigui haci esaki. Tin hende ta papia, pero e caminda cu ta wordo
traha, ta eynan caminda cu resultado ta wordo geboekd. E landcruisernan ta moviendo. A ricibi siman
pasa tur e bidnan pa e flota nobo cu ta wordo agrega. No ta asina ey cu ta bay saca tur landcruiser for di
circulacion. Tin algun di nan no ta funciona mas, pero mayoria si. Logicamente cu tin auto ta core hopi
riba caminda. Tin accidente y cosnan cu ta bay fout. Nan ta na disposicion di comunidad. E dia cu a
wordo bisa cu ta un auto cu ta un so tin na Santa Cruz. A bay check esaki y tin 4 disponibel y logicamente
otro tipo di auto tambe. Ta asina aki tambe ta funcionando no manera antes, caminda cu tabata bisa e
polisnan pa nan paga luz, tur e tipo di cosnan na warda, paga celular, core mita dia so. E cosnan no ta
existi mas. Awor aki ta percura pa tin material. Na momento cu un auto di polis sali for di circulacion, ta
percura pa tin un auto nobo, sea cu ta huur of lease, ta haci esey pa asina percura pa presencia di polis tey
tur caminda. Si e auto kibra awor aki, un rato despues no tin un auto nobo. Hecho ta si, cu esfuersonan ta
wordo haci. Medionan ta disponibel pa percura pa e sistema keda funcional y keda optimal, segun
minister Dowers.

http://www.24ora.com/index.php?option=com_content&view=article&id=121416:cuerpo-policial-a-
haya-mas-material-pa-traha-cune&catid=1:local&Itemid=5