Page 13 - BNDIA ARUBA

riba caya A13
Diahuebs 22 Maart 2018

Chauffeur a dal y pusha barancanan dilanti Wendy’s boulevard

ORANJESTAD - Diaranson merdia a sucede un acci-
dente na Wendy’s boulevard .
Un chauffeur den un Toyota Rav-4 blanco ora a caba for di
e drive-thru di Wendy’s algo a bay robes cu e auto a sigui
straight bay subi e acera pa despues dal den e baranca nan
poni eynan y hala e baranca nan basta leu. Dos ocupante den e
auto a keda sinti dolor nan y ambulance a presenta pa controla
nan. Polis di trafico a tuma dato. Daño material na e auto ta
considerabel.

Sacamento di machete pa
otro na Rooi Afo

ORANJESTAD - Diaranson pasa di 2:30 atardi polis-
nan a keda manda cu urgencia pa Rooi Afo unda lo tin
problema entre dos ruman y sacamento di machete.
E ruman spanta a core bay na bisiña pidi ayudo, polisnan a
yega inmediatamente y busca e homber na prome cas no a
topa cu ne, despues a bay na unda cu e ta poco pariba y topa cu
ne. Asina polis a intermedia den e problema entre dos ruman
homber di edad caba y trece trankilidad na e cas.