Page 8 - ARUBA BANK 02 MAY 2017

Awor aki tin 160 trahado mas of menos ta forma parti di RBC. E reorganisacion aki, si wak’e for di un
perspectivo net, lo wak cu di tanto trabao lo a wordo centralisa. Otro trabaonan lo a wordo crea. E
impacto net riba e empleadonan lo tabata 1. Practicamente lo no tabata tin hopi. Naturalmente atrobe,
manera cu a splica, ta un proceso, caminda cu trabaonan nobo a wordo crea, caminda cu mester a solicita
riba algun di nan, pasobra e rol lo a cambia y naturalmente kier pa e hendenan cu a aplica pa e trabaonan
nobo, ta hendenan cu por haci e trabao tambe. Mester setup people, pa success. No ta intencion pa setup
ningun hende pa fayo, caminda cu ta bisa pa haci e trabao y despues di seis luna, bisa nan cu e trabao aki
ta mucho pisa p’e, of no tin e capacidad pa haci e trabao y despues pa yega na un areglo pa termina e
trabao.
E ta cuminsa na trata bo empleadonan cu respet y dignidad y tambe duna nan un trabao caminda cu nan
ta haya satisfaccion den dje, caminda cu nan ta sinti cu nan por progresa y caminda cu nan ta contento
cun’e.
Traslado
RBC por traha cu traslado di un departamento pa otro si e trabao den e departamento nobo no tabata tin
un cambio significante. Probablemente e trabao cu un 80% lo a keda mesun cos. Pero si e trabao lo a
cambia un gran parti ta cambia, e parti di solicitud mester bin, Rafini a splica. Esey ta pa duna tur hende
un fair chance pa yega na un remarca pa esey.

http://www.24ora.com/index.php?option=com_content&view=article&id=121341:gerencia-di-rbc-ta-
traha-hopi-cerca-di-sindicato-&catid=1:local&Itemid=5