Page 21 - Minister Mike De Meza

8 AWEMainta Dialuna, 31 Augustus 2015

Amienda di
MEP a sigura
continuidad
di fondonan
pa maneha
caretera

DIARAZON ultimo Parlamento di Aruba a trata e ley di

Interim Wegeninfrastructuur (IWIF) pa aña 2015. E fondo
akiawordocreapaspecificamenteadministrafondonanpa
mantene y traha careteranan nobo caminda ta necesario.
Den e ley cu a wordo presenta tabatin poni cu pa 1
januari 2016 e fondo aki lo wordo elimina y cu tur cos
lo bay cay den presupuesto di DOW.
Segun Chris Romero (MEP), e argumento cu a wordo
treci padilanti tabata cu mayoria di e proyectonan grandi
a cay afo di IWIF.

Nos a trece padilanti cu hustamente p’e motibo
aki no mester elimina e fondo, pasobra e ta un
structura chikito cu t’esun di mas apropia pa
proyectonan di caretera chikito of mantencion.
Den cuadro di esaki fraccion di MEP a entrega un
amienda den e ley.
E amienda a ensera eliminacion di articulo 2 unda cu
tabatin para cu e fondo lo termina na 2016. Ademas di
esaki fraccion di MEP a enfatisa cu IWIF mester tin un
fuente cu e ta haya su fondonan p’e por ta operacional
tur aña.
Pais Aruba anualmente ta haya alrededor di 20 miyon
florin for di motorrijtuigbelasting.

Relaciona cu esaki MEP a expresa e deseo pa medio di un
mocion pa stipula cu 50% di entradanan por bay den IWIF
pa construi y keda mantene camindanan rond di Aruba.
E esencia di tanto e amienda y mocion presenta tabata
cu e fondo tin tur derecho di existencia como structura
chikito pa maneha proyectonan di careteranan.

Segun Chris Romero, durante stemmotivering un
Parlamentario di AVP a expresa cu e no tin sentido pa
bay aloca un suma na IWIF tur aña, pasobra na 2016
lo bay cobra motorrijtuigen belasting den accijns y p’e
motibo ey fraccion di AVP no a sostene mocion di MEP.

Cu otro palabra tur cu ta doño di un auto lo bay paga mas
belasting, anto esnan cu ta core mas, lo bay paga mas.
Na final, e amienda si e wordo acepta y asina fraccion
MEP ta cuida e existencia di e fondo aki, segun Chris
Romero.