Page 19 - AWEMAINTA

Dialuna, 9 Juli 2018
Fundacion CINEARUBA a presenta ‘E bola di fuego’
AWEMainta 19
AYERA diadomingo Fundacion CINEARUBA ta
presenta ‘E bola di fuego’ live riba e pagina di Face-
book di CINEARUBA. E obra di radio aki lo wordo
produci live den un studio y simultaneamente e pu-
blico na cas lo por scucha e obra, mientras e actornan
ta duna bida n’e personahenan y e storia.
Esaki ta un proyecto multi-disciplinario cu ta com-
bina teatro cu radio of pa ta mas exacto actuacion
auditivo.
‘E bola di fuego’ ta un storia crioyo di añanan sesenta,
unda cu dos amiga lo hiba e publico den un aventura
yena di comedia y suspense. E obra auditivo aki a
wordo skirbi p’e cineasta local Juan Francisco Pardo.
E ta conta cu un grupo di actornan cu lo duna bida
na cada personahe, kende nan ta; Melisa Richardson,
Teo Lopez, Natasha Richardson, Aldrich Marchena y
Milly Koolman.
E parti auditivo ta consisti di diferente elemento cu
ta principalmente e voz, pero tambe tur e efecto so-
noro y e musicanan. Efectonan cu lo wordo realisa en
bibo durante e presentacion di e obra.
Tambe e obra lo consisti di musicanan di antaño y
musica cu lo wordo canta en bibo durante e anochi
di diadomingo.
E ekipo humano cu lo percura pa tanto e efectonan
sonoro y e musica, ta den man di Adelaida Fingal,
Danny Martinez, Ginelly Quandt, Rodrigo Peraza,
Roy Howel y Rotsena Pietersz. Direccion general ta
bao di encargo di Adriano Fernandes kende lo per-
cura cu tur cos ta sincronisa segun e tempo, storia y
ritmo.
Esaki ta fundacion CINEARUBA su prome proyec-
to di obra auditivo mirando cu CINEARUBA te cu
awor a enfoca riba cine. CINEARUBA semper ta in-
teresa pa explora y experimenta diferente posibilidad
di conta storia, envolviendo participacion di comu-
nidad. CINEARUBA ta gradici Ateliers ’89, VNO y
Fonds voor Cultuurparticipatie pa haci e proyecto
aki posibel.
E pagina web p’e presentacion diadomingo awor di ‘E
bola di fuego’ ta www.facebook.com/cinearuba.