Page 23 - WEB MARCH 10,2016

Fayo na WEB ta laga cantidad di bario sin coriente

Thursday, 10 March 2016 03:52
Comparti

Algun minuut prome cu 3:30 di marduga varios area rond di nos isla a keda sin coriente ora un fayo a
presenta den planta di WEB na Balashi. Personal na warda mesora a bay pa contene e fayo, demas
techniconan a keda yama cu urgencia pa bin na trabou pa hunto busca solucion pa e fayo y stabilisa e
produccion den e planta. Dos ora despues barionan a cauminsa haya coriente.
Asja Dongen, Vocero di WEB a remarca "A surgi un fayo na WEB y na e momento aki ta trahando duro
pa stabilisa produccion di coriente. Ta dificil pa determina con largo e ta bay dura. Causa exacto ainda
mester wordo determina pero awor ta concentrando riba stabilisacion." Algun area cu a keda cu coriente
un rato despues a keda sin coriente. Vocero di WEB no por bisa cu exactitud con hopi bario a keda sin
coriente pero te cu un ora despues di e prome "burnouts" e reacionan riba Social Media tabata varia for
di diferente skina di Aruba. Tabata alrededor di 5:30 ora diferente bario a cuminsa haya coriente bek,
esaki ora a logra lanta e producion di coriente pa N.V. Elmar por distribui esaki.

http://www.24ora.com/local-mainmenu-5/106219-problema-na-web-ta-laga-varios-area-sin-coriente