Page 4 - AM210206

4 AWEMainta
Cuido medico tanto na Hulanda y Merca kier normalisa
Momento ta yega pa tambe cuminsa yuda
TUR hende y no solamente un grupito
AKI un luna mas lo cumpli un aña cu Covid 19 a haci
su entrada den comunidad aki na Aruba despues cu
rond mundo el a cuminsa plama manera un pagara di
fin di aña.
Mientras cu mayoria di pais rond mundo ya a wordo
confronta pa un di dos ola di e pandemia, tin algun pais
cu ta papiando di un di tres ola, pero na mes momento
tin paisnan cu ta mirando e situacion di lockdown y otro
medidanan di precaucion, como un acto riba derecho di
libertad di un hende y tambe riba su derecho pa hiba
un bida liber manera cu e persona ta desea.
Na Hulanda y na Merca mescos cu varios otro pais
rond mundo, Gobiernonan ta papiando di flexibilisa e
medidanan, cuminsa drenta e caminda pa normalisa
bida di tur hende rond mundo ya cu Covid 19 tey pa
keda y cu e vacuna un hecho caba, hopi pais kier sali
for di nan lockdown mas rapido posibel.
E siman aki tambe expertonan medico, e.o. na Hulan-
da, a cuminsa e maneho di tanto Gobierno di Prome
Minister Mark Rutte como di Departamento di Salubr-
idad, caminda mas y mas ta birando un realidad tristo,
cu mientras cu tin miles di hende cu a test positivo pa
Covid, y centenares a muri di esaki, mucho mas hende
ta wordo perhudica cu nan salud pa falta di tratamen-
to adecuado, falta di atencion mas profundo, cu lo costa
nan bisa sin cu esaki tabata necesario.
Un bon cuido medico efecto lo yuda scapa hopi bida
di hende y na Hulanda e siman aki a mustra cu hopi
hende cu tin cancer, lo bay haya demasiado lat pa falta
di un chequeo adecuado, ya cu mayoria di e servicionan
aki, no ta posibel pa motibo di tratamento di hendenan
cu Covid.
Mesun situacion tin aki na Aruba, caminda tin hende-
nan cu mester wordo hospitalisa, sea cu fractura serio
cu nan a sufri, persion demasiado abou y for di control,
diabeticonan cu mester di un control mas intensivo, no
por wordo hospitalisa pa motibo di tratamento di hen-
denan cu Covid tin preferencia.
Diasabra, 6 Februari 2021
Ta bin acerca cu antes un ciudadano si e tin suficiente
fondo, e por dicidi di biaha pa Colombia of un otro pais
p’asina wordo trata debidamente, pero esey tampoco ta
posibel dor di un pandemia cu hopi experto ta kere cu
e lo ocasiona mas morto cu no ta relata n’e Covid mes.
Aki na Aruba tin hopi victima di Covid cu realmente
no tin nada di haber cu Covid, ya cu e trato medico no
ta optimal pa casi un aña caba ya cu tur atencion ta
bay p’esnan cu Covid, tur dia cuanto caso positivo y si
hende a muri of no di Covid.
Tin sernan keri cu ta muri pa falta di un cuido medico
primario, caminda nan ta wordo atendi manera cu es-
aki mester ta y no manda hende bay drumi na cas cu
algo serio cu ta rekeri atencion around the clock, ya cu
den hospital tin hopi hende cu Covid.
Ya DVG y Gobierno a mustra cu den luna di januari
tabatin 10 persona cu a muri di Covid, pero den me-
sun luna aki tin mas cu 5 hende cu a fayece caminda
algun di nan si a haya un atencion mas rigoroso y mas
efectivo na hospital, kisas ainda nan ta cu nan famia
awendia.
Pa menciona algun, un pashent M. a cay kibra su heup
y no por a cana pero ta ser manda cas despues di algun
dia ya cu segun dokter, e situacion den hospital no ta
adecuado y ta peligroso.
Pero na su cas su situacion a bira ainda mas peligroso
ya cu e no por haya e trato efectivo cu e tin mester y e
consecuencia ta mucho mas serio.
Tin e homber A. kende a fayece di cancer, kende ta-
batin mester di un ayudo mas profundo pa alivia su
sufrimento, pero el a ser manda cas ya cu hospital pa
peligroso cu hendenan cu Covid.
AWEMainta ya caba a mustra riba e situacion aki,
pero awor tanto na Hulanda como Merca mas y mas
specialista ta mustrando cu e pandemia aki lo bay laga
hopi hende afecta pa Covid, pero mucho mas pa otro
malesanan cu tabata rekeri mihor tratamento, pero cu
no a ser duna.