Page 20 - awe1907

Diamars 19 di Juli 2022

COMUNIDAD

Travel + Leisure Ta Nombra Bucuti & Tara Entre e Top 20 Hotels Den Caribe Atrobe
E unico hotel di Aruba cu a ricibi e

honor aki di Travel + Leisure

ucuti & Tara Beach Resort a wordo nombra den e lista
Bprestigioso di 2022 World’s Best Awards di Travel + Leisure y
a wordo premia entre e Top 25 Best Resort Hotels den Caribe,
Bermuda, y Bahamas. E adults-only boutique hotel ta e unico
resort di Aruba cu a wordo premia.

Travel + Leisure ta un di e medionan di comunicacion di biahe
mas conoci y confia na mundo, y ta wordo uza como un fuente
di inspiracion pa vakantienan yena cu aventura, autenticidad y
pasion. Awo den nan di 27 aña, e lista di World’s Best Awards
ta refleha locual biaheronan exigente ta pensa ta e mihor
experiencianan di biahe mundialmente.

Diseña pa sirbi como un fuente di confiansa pa miyones di
biaheronan entusiastico, T+L ta splica, “E mihor resorts den
Caribe, Bermuda y Bahamas, segun nos lectornan, ta pone e
paisahenan spectacular di cada region na prome lugar.
”Travel + Leisure su Editor in Chief, Jacqui Gifford, a bai riba
Instagram Live Juli 13, 2022, pa celebra cada ganador di e 2022
World’s Best Awards, incluyendo Bucuti & Tara, cu un glas di
Champagne.

“Mientras biahenan a cuminsa surgi bek y hendenan ta continua
di busca idea y inspiracion pa nan vakantienan, mi ta sumamente
encanta di por comparti e recurso increibel aki cu ta mustra e
lugarnan y hotelnan mas gusta door di nos lectornan,” Jacqui
Gifford ta comparti. “Bo ta haya destinacionnan cu ta ofrecebo
un experiencia unico y ta transportabo completamente, no ta
importa si bo enfoke ta riba reconecta cu naturalesa of conose
un otro cultura. Mi kier felicita cada ganador pa nan excelencia
den hospitalidad y pa crea experiencianan cu ta atrae tur tipo
di biahero.”
E enfoke di “best-of-the-best” ta wordo comparti y haya den
e experiencianan di biahe na Bucuti & Tara Beach Resort.
Huespednan cu ta keda na e resort situa na Eagle Beach
ta descubri dicon e resort cu ta enfoka riba romanticismo,
wellness y sostenibilidad a wordo nombra entre e Top 25
Hotels na Mundo y No. 1 Hotel den Caribe y Top 10 na Mundo
pa Romanticismo riba TripAdvisor. Tambe e resort ta e prome
y unico den Caribe cu ta certifica Carbon Neutral y ta enfatisa
e importancia di sostenibilidad y biahenan regenerativo na su
huespednan.
Pa haya sa mas, bishita: https://www.travelandleisure.
com/worlds-best/worlds-best-2022.

20