Page 39 - Djarason 20 yuni 2018.pdf

Djarason 20 Yüni 2018 39

Bira un amigu
di Curaçao Zoo
i gana un kar-

chi pa “Beats &
Feast”

WILLEMSTAD.- Ya pa
algun aña kaba, Curaçao
Zoo tin un akshon di
‘standing order’, kaminda
ku por bira un amigu di
Curaçao Zoo for di un suma
di apénas fl. 5,- pa luna.
Mirando tambe e evento
pa rekoudá fondo ku lo tin
próksimamente, a yega na
un insentivo pa momento
pa bira un amigu nobo.
Bira un amigu di Curaçao
Zoo e siman aki, i tin chèns
di gana un karchi di entrada
pa “Beats & Feast” dia 6 di
yüli próksimo na Tafelberg.
Esaki ta bai masha fásil, djis
pasa na ofisina di Curaçao
Zoo durante oranan di
ofisina, yena bo ‘standing
order’ i bo ta den sorteo.
Manera konosí, “Beats
& Feast” ta un aktividat pa
rekoudá fondo pa Curaçao
Zoo ku e meta pa generá
fondo pa importá i mas ku
klaro krea e habitat adekuá
pa e ‘Ring-Tailed Lemur’,
kua ta e maskota di Curaçao
Zoo, konosí den e pelíkula
infantil “Madagascar”.
Djasabra awor 23 di
yüni lo anunsiá e ganadó
di e karchi riba e retnan
sosial di Curaçao Zoo. Pa
mas informashon, por yama
Curaçao Zoo na 736-5811 òf
mail info@curacaozoo.com.

Kontinuashon di pagina 7
Kaso Orlando Balentina

di sèptèmber próksimo.
Mañan lo tende kon a
para ku e pagamentu na e
abogadonan i si abogado
Harlequin lo bai tei pa trata
e kaso huntu ku mr Blonk.
Tantu e akusado komo
Ministerio Públiko a apelá
e sentensia di korte di promé
instansia.
Balentina a keda
kondená na un kastigu di
9 aña, despues ku fiskal
a demand’é na 18 aña di
prizòn. Hues a bisa ku
e kondena ta basá riba
nos propio leinan ku a ser
trahá riba tipo di kasonan
asin’aki. Balentina tin 18
akusashon den su kontra pa
aktonan inmoral ku vários
menor di edat, ku e ta keda
akusá di dje.
For di un prinsipio e
akusado a keda para riba
su inosensia i nunka no a
deklará nada spesífiko riba
e kaso.