Page 47 - MIN JUS

expresion di SPA haci den prensa

Friday, 14 July 2017 18:12
1

Comparti

Jeanmarc Lampe ta vice presidente di sindicato di SPA y a splica riba nan encuentro cu Minister Dowers
y tambe prome minister Mike Eman. Tabata tin algun punto cu el a vocifera algun dia pasa. El a comenta
cu e encuentro diabierna atardi segun prome minister Mike Eman, tabata gewoon un introduccion.

Diahuebs a pasa cu minister Dowers riba diferente punto di preocupacion cu tin den Cuerpo Policial. El a
bay hopi bon, manera cu el a bisa. Lampe a splica cu loke nan a haci ta manda yama e rueda di prensa, pa
aclarea cierto cosnan. Den boca di pueblo, den social media entre otro, algun cos cu a expresa den prensa
no a cay den mucho bon tera y tabata tin un mal comprondemento. Kier a aclarea esey cu Cuerpo
Policial, cu algo comisario. Ora cu a papia riba e cuestion di desconfiansa den maneho, el a wordo tuma
malo. No tabata kiermen esey. A bin di compronde cu nan kier a pidi retiro di korpschef, cual no ta
berdad. Loke nan a referi ta cu e maneho cu e ta hibando no ta esun di mas eficiente y kier pa duna e
polisnan mas voz. Loke e sindicato kier ta pa sinta hunto cu nan, hunto cu Minister di Husticia, pa tin un
miho comunicacion. Tin cu corda cu SPA ta representa e miembronan di Cuerpo Policial. E dolornan cu
tin, ta tur nan dolor y kier pa tin un miho comunicacion y sinta cu nan na mesa. Lampe kier a aclarea un
biaha mas, cu na ningun momento no a pidi retiro di alto comisario. Por ta el a mustra asina, pero no ta
esey ta loke cu sindicato di Polis tabata referi na de. Atende cu alto comisario SPA ta habri pa sinta cu
alto comisario na mesa anytime. Pesey un biaha mas a bin dilanti pa bisa cu nan no ta contra di alto
mando policial, pero si e maneho cu e ta hibando no ta esun di mas eficiente y kier pa duna nan e voz,
scucha nan, scucha e conseho di SPA.

Nan no tey pa bis’e loke tin cu haci ni ki decisionnan pa tuma. Pesey e ta sinta riba e puesto eynan. Si
scucha conseho di SPA. Miho comunicacion cu otro ta loke nan ta pidi. Den e momento di tension, esaki
a mustra na un manera malo, pero tin cu bisa cu no ta esey ta loke a referi. Kico lo bay pasa Lampe a
indica cu despues di esaki, lo bay tuma contacto cu leiding pa mira si por sinta cu nan. Ya ayera a papia
cu minister Dowers, cual a bay basta bon. Ta spera cu pronto sindicato, minister y leiding por sinta
hunto, pa por yega na un miho comunicacion y maneho mas eficiente. Division of union Jeanmarc
Lampe a splica cu awe tabata tin un reunion general cu e miembronan y esey ta keda pa e sindicato, cu e
miembronan. Loke hende ta bisa cu tin un division, esey a wordo aclarea. Tur ta riba e mesun nivel y
pensamento. Loke kier ta pa leiding duna mas oido, pa tuma parti den cierto reunionnan cu ta tuma luga,
loke ta referi e maneho diario cu ta cay berdad bao di algo mando policial. Berdad e ta tuma decision,
pero pa scucha e sindicato su conseho y e minister tambe. Te ainda e minister ta duna full cooperacion y
despues di esaki lo haya full cooperacion di leiding tambe. Accion di firma E accion di firma ta entre e
miembronan y sindicato, a wordo regla caba. Lampe kier a aclarea tambe, cu den medionan social ta
papia cu nan ta mara na politica. Kier a laga sa bon cla, cu SPA no ta mara na ningun politica. Loke nan
ta haciendo ta traha na bienestar di su miembronan. Kier djis pa tin un cambio den e maneho, pa e ta
mas eficiente. Kier sinta na mesa cu leiding y cu minister, pa por yega na un solucion pa problemanan cu
tin.