Page 76 - MIN JUS

ocasion ta defende hoben cu a horta, haci atraco arma, joy-ride auto, bende
droga, trafica droga y asina mas.

E hobennan aki ta entre 13 pa 18 aña. Si ta prome biaha cu nan a haya nan
confronta cu husticia, hopi biaha nan ta tene nan 10 dia den cel na Warda di

Polis y despues nan ta laga nan bay, claro depende e delito cu nan a comete.

Pero si ya nan ta un persona cu a cay cera mas biaha (“recidive”), e ora
depende e crimen, nan por haya lunas of hasta añas cera den KIA, Joselin ta

splica. Den KIA nan ta keda cera hunto cu e adultonan.

Den KIA no tin oportunidad pa nan studia ni caba ningun estudio. Nan por wak

TV y bay gym tur dia, esey ta tur loke KIA ta brinda nan. Lo pio ta cu ora e
hoben sali, ningun scol ta acept’e mas y ningun doño di trabou ta tum’e na

trabou tampoco, cu consecuencia cu e hoben ta sigui haci actonan criminal,
segun Joselin.

Na aña 2012, Hellen A. Van der Wal a haci un investigacion na loke ta causa e

problema di comportacion di e hobennan cu ta cay cera y kico ta e risico di no
yuda nan. E raport aki ta uno conoci p’e Gobierno actual cu a pon’e un banda y
haci mescos cu esaki no ta un problema real.

Pa Joselin e ta un prioridad pa bin cu un centro di detencion pa hoben cu ta

duna nan e oportunidad pa rehab, bay scol, caba un estudio pa nan por bolbe
drenta e comunidad den un forma positivo, p’asina nan no haci daño na nan

mes, nan famia, nos turistanan y n’e comunidad.

Mes importante, segun e raport di Van der Wal, ta pa traha den un forma
preventivo. Pa di trempan cu yudansa di scol y trahadornan social pa yuda e
hobennan problematico y of adicto.