Page 40 - CMB

un maneho financiero coherente, como tambe un falta di proactividad pa oportunidadnan

economico.

“Den e dianan nos dilanti Parlamento lo ta tratando un presupuesto incompleto. Mientras

cu aumento di BBO, BAZV y accijns ta inclui den e presupuesto 2018, e diferente

medidanan di compensacion manera cu a wordo anuncia no ta forma parti di e cuadro
financiero. Nos no sa kico lo ta e efecto di esakinan den presupuesto, ni tampoco con nan

lo wordo financia. E maneho financiero-economico cu a wordo presenta door di e
gabinete actual no solamente ta duna Ratings tiki credibilidad, pero tampoco ta duna nan

e confiansa cu por logra un outlook stabiel”, Parlamentario Sr. Richard Arends a declara.

Manera nos a bin ta bisa y FitchRatings a confirma esaki: un deficit di -3.0% na 2018 ta

nifica un desviacion substancial di e normanan stipula den e ley di supervision financiero

y ta causa cu e debe nacional lo sigui aumenta den e añanan nos dilanti. Segun

FitchRatings, e Gobierno actual ta “off-track” di e trayectoria stipula pa un presupuesto

balansa y un perspectiva real pa un reduccion di debe, manera a wordo ancra den ley door
di Gabinete Mike Eman II, “minando asina e credibilidad di e maneho finaciero”.

“Asina nos ta drenta den un circulo vicioso manera cu nos a teme,” Sr. Arends a sigui

bisa. “E incertidumbre riba e maneho financiero y economico lo causa cu inversionan y

consumo den sector priva ta wordo posponi.” E desaroyo aki tin un efecto negativo riba e