Page 22 - BNDIA ARUBA

A22 bistA politico
Diahuebs 14 December 2017

Minister Xiomara Ruiz-Maduro:

‘Nos cultura, identidad, custumber y tradicion ta

primordial den nos desaroyo como hende’

ORANJESTAD - Diabierna anochi minister di Fi-
nancia, Economia y Cultura Xiomara Ruiz-Maduro
tabata presente na e recital dedica na Rufo Wever pa
conmemora su fecha natalicio di 100 aña y 40 aña di su
fayecimento.

Rufo Wever tabata un compositor y musico di Aruba. El a
compone: tumba, bolero, zamba, mambo, porro, merengue,
danza, mazurka, polka y calypso. Tambe ta di importancia pa
menciona cu ademas di compositor, Rufo Wever tabata areg-
lista y tur e areglonan e tabata haci su mes.

Compone tabata facil pa Rufo Wever y el a composita un to-
tal di mas of menos 450, di esaki mas of menos 150 ta com-
posicionnan completo pa piano of orkesta y 300 ta composi-
cionnan y areglo pa cah’i orgel.

Na edad di 21 aña Rufo Wever a cuminsa cu e trabou di cah’i
orgel. Aruba conoce awe na aña 2017 mas of menos 120 aña di
musica di cah’i orgel, pero Rufo Wever tabata e prome perso-
na cu a cuminsa traha e cilindernan pa e cah’i orgel na Aruba
y el a haci esaki pa 33 aña. Anteriormente e cilindernan tabata
bay Corsou. E hecho aki tambe ta duna Rufo Wever un luga
special den historia di musica folklorico di Aruba.
Na 1976 Aruba Dushi T era un composicion di 1950 di Rufo
Wever y Padu Lampe, a ser decreta como Himno di Aruba na
1967 un couplet di Hubert Booi a wordo añadi na e himno.

E recital dedica na Rufo Wever tabata na su luga, e merece es-
aki y mucho mas. Un anochi yena cu nos musica cual a yena e
luga cu bon ambiente. Minister Ruiz-Maduro den su maneho
como mandatario y persona ta sostene, conserva y yuda pro-
move actividadnan cultural pa conscientisa nos pueblo cu nos
cultura, identidad, custumber y tradicion ta primordial den
desaroyo di nos como hende y nacion.