Page 63 - MIN JUS

A base di audit for di Hulanda: Por a mira hopi progreso den
KIA

Monday, 10 July 2017 20:52
1

Comparti

Tin di compronde cu leiding di KIA tabata pasa riba un proceso di evaluacion. Segun Rocco Tjon,
kende ta director di KIA
, a splica cu na comienso di aña a traha nan jaarplan conoci na tur hende y ta parti di e plan strategico
pa mas aña pa traha mas structura pa KIA en general. E plan aki ta encera diferente aspecto, entre otro
personal, e organisacion, infrastructura, siguridad interno, cuido y atencion pa detenidonan, pa na
final di dia di berdad nan por reintegra den comunidad. A base di e plan aki cu a traha, ta monitor
esaki di mes nan mes. Pesey nan tin nan halfjaarsverslag, unda cu por mira cu tin progreso. Semper e
ta bon pa un instancia di afo evalua bo, audit, pesey April cu a pasa, KIA a wordo geaudit pa Hulanda,
inspectie di siguridad y husticia den e caso aki, caminda dos inspector di husticia a bin Aruba, pa wak
con ta bayendo na KIA.
E bon ta cu na Juni 2016, tambe nan tabata na KIA y nan a haci un 0 meting e tempo ey. Awor aki e
resultado di nan audit ta en todo caso, cu nan ta mira hopi progreso na KIA, caminda cu nan a duna un
evaluacion positivo. Sinembargo dimes semper ta keda puntonan di atencion cu mester sigui mehora,
pero e bon ta, cu nan ta audit por ehempel bo maneho, esta kico tin poni riba papel y kico ta haciendo
di berdad pa por logra esey. Nan ta wak en todo caso cu tur e beleidsnota's, tur plan ta bon hinca den
otro, bon riba papel. Es decir, tin di sigui e curso cu nan a set awor aki padilanti.
Puntonan preocupante
Segun Tjon, si mira Juni 2016, e puntonan primordial cu a wordo señala tabata e actividadnan cu ta
brinda detenidonan. E cantidad, pero tambe e calidad di actividadnan cu ta brinda na detenidonan.
Esey tabata e parti primordial, pero tambe e parti organisacion y e parti motivacion den e Cuerpo na
KIA. Riba tur e aspecto eynan a mira cu tin mehoracion. Es decir awor aki tin basta programa in place
pa detenido y nan no ta programanan solamente cu ta tuma luga un solo biaha y despues nada mas.
Nan ta forma parti di un leerwerktraject. Recientemente tur hende por a mira e detenidonan cu a
gradua como laser. E ta un parti integral di e maneho caminda cu e detenidonan aki, no solamente nan
ta gradua, pero awor aki nan ta haya un trabao tambe den KIA como laser, unda cu nan ta keda traha
den werkplaats eynan. Ta un aspecto. Biblioteca semper ta algo cu tur organisacion coreccional ta
wordo geaudit riba dje. Hulanda a hasta bisa cu nan ta haya cu e biblioteca miho cu casi tur biblioteca
na Hulanda, djis pa mustra cu e biblioteca cu tin eynan ta hopi grandi y hopi bon, banda di e bukinan,
tambe tin e parti di ICT, caminda cu tin 10 computer instala, cu e detenidonan por haci uzo di dje.
E bunita di e audit aki ta, cu inspectornan ta bin Aruba y pa tres dia largo nan tin free access na KIA na
tur parti. Nan ta papia cu detenidonan, manera cu nan kier. Nan por letterlijk cana den tur afdeling,
papia cu tur detenido y pa personal ta mesun cos. Nan ta papia cu miembronan di sindicato, nan ta
papia cu uitvoeringspersoneel, leidinggevend personeel. A base di esaki nan ta saca nan conclusion.
Tambe nan a papia cu miembronan di commissie van toezicht y na final di dia Tjon ta contento cu a
base di un investigacion asina cu nan ta haci, cu ta di diferente angulo, ta haya un evaluacion positivo.