Page 27 - MIN ON

Studiantenan Arubiano den situacion dificil na
Curacao lo por haya yudanza pronto

Ta den proceso final pa aproba beurs adicional pa studiantenan cu Arubalening na Curacao
ORANJESTAD (AAN): Desde algun luna Minister di Enseñansa, Michelle Hooyboer-Winklaar, ta den dialogo cu
studiantenan Arubiano na Corsou relaciona cu e aumento repentino di “collegegeld” cu nan a worde confronta cune e
aña academico aki. Mirando cu e decision di Universidad di Curacao (UoC) a worde tuma y publica hopi laat, a haci’e
imposibel pa Departamento di Enseñansa por a anticipa riba e cambionanan aki pa por adapta e sumanan den fianza
di estudio di Aruba.
Consecuentemente e studiantenan a encontra nan mes den un situacion financiero hopi dificil pa cual mester a bin
un solucion. Via di fondonan procedente di Hulanda cu ta aloca pa beurzen, Minister Hooyboer-Winklaar ta
procesando e aplicacion pa e beurzen aki ser paga mas pronto posibel pa studiantenan cu Arubalening na Corsou.
Cada studiante di Aruba cu Arubalening studiando na Corsou lo ricibi e aña aki un suma adicional di Afl. 2000,- den
forma di un beurs. E suma aki ta mas halto cu e suma di Naf 1000,- cu cual UoC a subi e collegegeld, pero Minister
Hooyboer-Winklaar a mira e necesidad pa recompensa e studiantenan na un manera mas amplio pa asina nan por
cubri cualkier gasto adicional cu nan por tin. E tramitenan necesario di aplicacion ta den proceso y ta spera un
resultado positivo pa e fondonan aki por ser traspasa pa e cuenta bancario di e studiantenan mas pronto cu ta
posibel.
Pa otro aña academico Minister Hooyboer-Winklaar ta trahando ariba fondonan adicional pa hisa e suma di
Arubalening como un solucion structural pa e studiantenan na Corsou pa asina e studiantenan no mester haya nan
mes den un situacion financiero tenso y pa nan por enfoca riba nan estudio sin preocupacion. Esaki specialmente
pasobra a tuma nota caba di e segundo aumento di collegegeld di Universidad di Corsou e aña academico binidero.
E studiantenan di Aruba na Corsou y region tin hopi prioridad pa Minister Hooyboer mirando cu e mandatario ta kere
cu mester facilita e studiantenan aki cu loke nan tin mester pa por studia exitosamente.
Minister Michelle Hooyboer ta spera cu e beurs adicional lo por yuda e studiantenan na Corsou substancialmente y ta
gradici e studiantenan Arubiano na Corsou pa nan disponibilidad y envolvimento positivo den e proceso aki.

http://www.diario.aw/2015/05/studiantenan-arubiano-den-situacion-dificil-na-curacao-lo-por-haya-
yudanza-pronto/

E.P.I. a ortoga certificado na personal di Wit
Gele Kruis pa e training di “Leermeester”

Publication: Wednesday, 20 May 2015. Categoria: General