Page 19 - MIN VOS 16 JUNE 2017

AWEMainta Diabierna, 16 Juni 2017 25

Ministerio di Deporte hunto cu Lotto pa

Deporte a organisa evento special

Minister Alex Schwengle a

celebra victoria di RCA Junioren

A elogia e hungadornan hoben den deporte

E aña aki e ekipo di RCA Junioren a titula campeon di liga Junioren
2016/2017. Minister di Salud Publico, Cuido di Nos Grandinan y Deporte,
dr. Carlos “Alex” Schwengle hunto cu Lotto pa Deporte, den compania di
Arubaanse Voetbal Bond, a organisa un celebracion p’e hungadornan, cu a
bay compaña pa un dushi cena na Marina Pirata Restaurant.
Minister dr. Schwengle tabata contento di por a organisa e celebracion aki
y a remarca cu semper ta mustra e banda negativo di e hobennan, pero no
ta mustra e logronan positivo cu nan ta haci.
E mandatario a desea tur hoben exito den nan carera como futbolista.
Minister Schwengle ta spera cu sigui organisa mas di e tipo di eventonan
asina pa duna elogio na e team ganador y gradici nan pa ta deportista, inverti
den nan mesun futuro y parti di un ekipo.
Fundacion Lotto pa Deporte ta haya cu e campeonato di Junioren tabata uno
exitoso y a duna e team di RCA pabien pa a logra bay cu e titulo di campeon.
Presidente di Fundacion Lotto pa Deporte, mr. Di-Stefano Wernet RA tabata
contento di mira cu a organisa un celebracion pe hobennan.

Coach di RCA, Joy Rosa tabata feliz cu e resultado final y cu e team Junioren
di RCA a bay cu e titulo maximo. Hopi biaha caba RCA a bay cu e titulo
maximo den Junioren y nan tabata contento di e invitacion ricibi pa celebra
e campeonato.
E hungadornan tabata contento di a celebra e victoria y a pasa un momento
agradabel.
Na final, Lotto pa Deporte a regala cada hungado un T-Shirt special traha
como recuerdo di e evento, cu tur nan logronan di e ultimo añanan.
Entre e invitadonan p’e evento aki tabatey tambe Presidente di Comite
Olimpico Arubano, Presidente di Aruba Sport Unie, e Director di Fundacion
Facilidadnan Deportivo, Presidente di Fundacion Lotto pa Deporte hunto cu
algun miembro di directiva y tambe e Presidente di Arubaanse Voetbal Bond.
Pues e organisacionnan deportivo di mas grandi a uni pa celebra y brinda
asina un homenahe na e futbolistanan campeon di nos isla.

AVB hunto cu Minister Dr. Schwengle a entrega T-shirt tambe na dos
persona special di e ekipo di RCA, esta John Merryweather, kende tabata
Presidente di RCA y Edwin Dirkz, kende ta ex futbolista di RCA. Ambos a
honra e hobennan cu nan presencia tambe n’e cena.

Tur esnan cu tabata presente a gradici e team completo di RCA. E hungador-
nan di RCA Junioren ta: Bart van Haren (captain), Jason Geerman, Antonio
Rangel, Adrian Koolman, Renny (Yuyi) Werleman, Mateo Velasques, Juan
Lang Trinidad, Diqion Ras, Kelvin van der Biezen, Hugo Robert, Jeanpierre
van der Linden, Francis van der Linden, Ronaldo Martinez, Jayron Kock,
Andrew Martinez, Mike van der Biezen, Arnadys Rujano, Glembert Croes,
Brandon Malmaceda y Brian Erasmus.

Miembronan di e staf ta Juan Valdez, Veron Albertsz, Joy Rosa, Tyrone van
der Biezen, Natacia ter Beek, Alan Croes y Juan Alse.
RCA tin 83 aña di existencia y tur e añanan aki na diferente ocasion nan a
bira campeon den diferente liga.
For di su fundacion, RCA, nan tin nan “farm house” cu ta cuminsa cu hun-
gadornan desde edad chikito y aki ta forma nan pa sigui crece den futbol.