Page 75 - MIN ON

Docentenan a haya mas herment pa mehora enseñansa

Monday, 05 June 2017 17:16
Comparti

IPA a organisa e seminario di 3 dia den cuadro di e investigacion Praktijk Gericht Onderzoek. E prome
dia nan tabatin e partnernan di enseñansa kendenan a pasa e dia cu Instituto Pedagogico Arubano, asina
director general di IPA, Marilyn Richardson a remarca.

Riba e prome dia e orado di Hogeschool di Rotterdam a splica riba e importancia di lectoraten cu ta
forma parti di e hogere onderwijs instellingen. E di dos y di tres dia ta mas tanto pa e maestronan den
veld y hunto cu nan a para keto riba e sistematica di haci investigacion den klas pero tambe ariba haci
uzo di un didactica pa por lanta e gana investigativo tambe cerca e hobennan. Durante e seminario aki
nan tabata enfoca ariba 2 parti, 1) tin di haber cu e manera con hogere onderwijs instelling, hunto cu
partnernan den enseñansa, hunto cu NGO, business community por haci mas pa cu investigacion pa
mehora e enseñansa y 2) e otro dianan ta dirigi na maestronan pa nan por haci algo pa mehora nan
enseñansa den klas y siñamento di e muchanan. Aña pasa IPA a haci un seminario den e cuadro di e
celebracion di 25 aña di IPA y e tema tabata “Transformando Maestronan pa e siglo 21”. IPA a haci uzo di
e mesun tema ey, pero aworaki enfocando mas specificamente ariba e uzo di investigacion. Esaki ta un di
e materialnan cu ta hopi importante pa por haya sa mas informacion y tuma decisionnan basa riba
evidencia. Staf functionaris onderwijs Dienst Publiek Scholen Mimi Lampe a haya e cu e
introduccionnan di e seminario di “Transforming Teachers and Community for the XXI C through
Practitioner Based Research” tabata hopi bon. E seminario tabata over di e transformacion di e maestro
pa e por ta miho para den su sapato pa tur novedad cu ta bin, pa e tipo di alumno cu nan ta bay enfrenta
aworaki, Mimi Lampe a remarca. “E muchanan cu nos tin na nos scol awor y cu lo ta drentando nos
scolnan, no ta mescos tempo cu nos a cuminsa traha un par di aña pasa”, Mimi Lampe a expresa. Cada
biaha nan tur den enseñansa, tur stakeholder, mester keda bij y keda a la par cu tur adelanto cu ta sosode
y lo sigui sosode den nos enseñansa. “No aki na Aruba so, e ta un trend mundialmente. Mescos cu tur
otro profesion, nos mester keda bij di e ultimo desaroyo cada biaha”, Mimi Lampe a remarca.