Page 18 - ARUBA BANK

A16 HENDE
Diabierna 20 Maart 2020

Natasja Gomez a gana Doorprize di KLM

ORANJESTAD – Diabierna ultimo Kiwanis Club of
Palm Beach hunto cu Sr. Danilo de Freytas, Sales Man-
ager di KLM pa Dutch Caribbean, a entrega e door-
prize di KLM cu a wordo gana recien na e Kiwanis Car-
naval Masquerade Party.
Manera ta custumber pa varios aña, KLM ta contribui na Car-
naval Masquerade Party pa medio di un premio cu ta encera
un round trip pa dos persona di Aruba pa Amsterdam. Ki-
wanis Club of Palm Beach ta masha agradecido mes na KLM
cu ta contribui na communidad dor di yuda cu e doorprize pa
haci e fiesta aki aun mas grandi.
E ganadora di e doorprize di e aña aki a resulta den nomber
di Sra. Natasja Gomez. KLM y Kiwanis Club di Palm Beach
ta desea Sra. Gomez y su esposo un biahe placentero y pa
disfruta di e roundtrip pa Amsterdam.
Riba e potret adhunto por mira e feliz ganadonan hunto cu
Sr. De Freitas kende a otorga e premio. Sr. De Freytas a indica
cu ta un orguyo pa KLM pa otroga e premio aki y asina aporta
na un evento pa recauda fondo charitativo y di e forma aki
duna sosten na nos comunidad y specialmente muchanan den
necesidad. Sra. Gomez di su banda a expresa palabranan di
gratitud na KLM pa e bunita gesto aki.
Kiwanis Club of Palm Beach ta forma parti di Kiwanis In-
ternational, un organisacion caritativa mundial di boluntario
dedica na cambia mundo, cuminsando na un comunidad y
un mucha.

Advertorial
Muchanan den categoria 1 a ricibi nan premio:

Banco di Caribe a entrega premio na muchanan sobresaliente den

Festival di Canto Bos Escolar

ORANJESTAD - Diabierna ultimo Banco di
Caribe a haci entrega di premio na ganadonan
di Festival di Canto Bos Escolar, edicion ‘Cul-
tural’. Manera tur hende sa diadomingo ul-
timo a tuma luga e festival di canto y muchan-
an por a participa den 3 categoria. Categoria
1 tabata pa muchanan di 3 pa 6 aña, categoria
2 pa muchanan di 7 pa 10 aña y categoria 3 pa
muchanan di 11 pa 13 aña. Den tur categoria e
scolnan lo ricibi un premio efectivo. Banco di
Caribe ta masha orguyoso di por a patrocina
categoria 1 den e festival di canto. Sr. Elvin
Maduro, Managing Director di Banco di Ca-
ribe tabata tey diabierna ultimo na Arco Iris
Kleuterschool pa haci entrega di e premionan
na muchanan den e prome categoria.

Prome luga den e festival a ricibi un premio di
Awg. 1.000, di dos luga a ricibi un premio di Awg.
750 y tercer luga a ricibi un premio di Awg. 500.
Banco di Caribe ta felicita tur e ganadonan di Fes-
tival di Canto Bos Escolar, edicion ‘Cultural’ prin-
cipalmente tur esunnan den categoria 1. Pabien na
Kate Ras cu a representa Scol basico Washington y a
resulta na prome luga, tambe Zoë Orman cu a rep-
resenta Arco Iris Kleiterschool y a resulta na di dos
luga, Kylie Kelly cu a representa Arco Iris Kleuter-
school y a keda na tercer luga, Vira Richardson cu
a representa Mon Plaisir Kleuterschool y a finalisa
na di cuarto luga y finalmente Hailey Koolman cu
a representa Imelda Kleuterschool y a keda na di
cinco luga.
Di acuerdo cu Sr. Elvin Maduro, Managing Di-
rector di Banco di Caribe nan ta masha orguyoso
di por a duna un aporte na e festival di canto di
Muchanan Sabi y ta spera cu tur mucha a keda in-
spira den e trayecto pa sigui desaroya nan talento.
Un pabien na tur mucha y na tur esunnan cu dia-
bierna ultimo a ricibi nan premio.