Page 3 - ARUBA BANK
P. 3
ORANJESTAD (AAN): Tin hopi incertidumbre den comunidad relaciona cu e plannan di
alivio cu algun banco local a tuma den cuadro di e crisis di Coronavirus.
Rocila Tromp – Acosta, Ehecutivo di Aruba Bank a duna di conoce cu den nan caso,
esnan cu tin un prestamo of hipoteca, entrante luna di Maart, April y Mei 2020 ningun
pago di pretamonan personal, auto, hipoteca no ta bay tuma lugar.
Tur hende ta bin na remarca pa esaki, pero e clientenan lo mester bay riba e website di
Aruba Bank y yena un formulario di aceptacion di e condicionnan pa cu e plan di alivio.
E formulario aki lo ta disponibel entrante dialuna 23 di Maart ariba e website
www.arubabank.com.
Acosta a remarca cu esnan cu tin pago pa paga por ehempel, den e dianan aki caba pa
nan no preocupa ya cu e pago lo wordo hala pa otro siman pa asina nan tambe pa
medio di nan website acepta e plan di alivio cual lo bay du biaha na vigor.
Plan di alivio
E plan ta encera cu durante e lunanan dui Maart, April y Mei 2020, e pagonan no ta bay
tuma lugar. Kico ta bay pasa? Locual ta bay pasa ta cu e termino lo wordo extendi.
Esaki ta algi hopi importante pa e hendenan sa ya cu tin hende cu ta puntra si nan pago
mensual lo subi.
“No, bo pago mensual no ta bay subi. Nos ta extendiendo e termino”, e ehecutivo di
Aruba Bank a subraya.
Credit Card
El a agrega cu pa loke ta tarheta di credito pa lunanan di April y Mei, e pagonan pa e
dos lunanan aki lo wordo posponi.
Esaki lo ta valido pa tur cliente di Aruba Bank. Esnan cu tin e capacidad financiero y cu
ta desea di paga nan Credit Card por haci esaki via nan Smart Deposit Machine, via
online banking. mobile app of e costumer service kiosk.
