Page 4 - DIGICEL
P. 4
14 AWEMainta Diasabra, 8 Juli 2017
Evan Giel di SETAR
Tin diferente servicio cu negoshinan por uza pa ta exitoso
Lo brinda hopi informacion di data durante Small Business Event
“MAKE data work for your business”, esey t’e tema
cu Evan Giel di SETAR lo presenta awe diasabra den
e Small Business Event. E titulo ta hopi amplio den
cual SETAR lo elabora riba e parti con data por traha
pa exito di Bo negoshi.
SETAR ta ofrece diferente servicio di telecomunica-
cion na Aruba y e biaha aki nan lo elabora riba otro
tipo di servicio cu un negoshi chikito por uza y por
yuda na exito na nan negoshi.
“No keda sin bin, pero pasa y presencia e presentacion
pa haya mas informacion di e servicionan di SETAR”,
Evan Giel a indica. Esaki ta un oportunidad cu tur
hende por pensa pa nan futuro.
Durante e evento participantenan lo haya sa mas
di e experiencianan di algun compania den e prome
parti, mientras cu den e di dos parti lo enfoca riba ki
ora pa inverti den calidad humano, pakico “human
recource” ta importante.
E Small Business Event ta tuma lugar awe diasabra
den Renaissance Convention Center y lo cuminsa for
di 9:30 di mainta y lo termina pa 1’or di merdia. E
evento lo ta uno gratis.
