Page 38 - Djarason 25 yuli 2018.pdf

38 Djarason 25 Yüli 2018
Mail nobo

pa komuniká
ku Prinses
Wilhelminafonds
WILLEMSTAD.- Den su
afan pa amplia su servisio na
komunidat di Kòrsou, alabes
pa hasié mas fásil pa tantu
komunidat i prinsipalmente
su klientenan por komuniká
di un manera mas direkto
i efektivo ku Direktiva di
Prinses Wilhelmina Fonds
(PWF), desde awe direktiva
di PWF a pone den servisio
un e-mail adishonal ku ta
bestuur@spwfcuracao.org.
E e-mail nobo aki lo bai
funshoná banda di e e-mail
eksistente esta info@
spwfcuracao.org ku ta e
e-mail ku ta atendé spesífiko
tur lokual ku tin di aber ku
informashon i pregunta
tokante di e organisashon
di PWF i tambe ofer di e
diferente tipo di kanser ku
tin i nan tratamentu.
Pa lokual ta e e-mail
nobo, esta bestuur@
spwfcuracao.org lo bai
atendé únikamente
puntonan ku komunidat
i klientenan ke atendé
direktamente ku direktiva
mes. Por ehèmpel, si un
persona tin sugerensia
kon PWF por trese sierto
kambio na benefisio di
komunidat i su klientenan,
òf un persona ta sinti falta
di sierto servisio i ta deseá
di mira esaki den e pakete
ku ya PWF ta brinda.
Meskos tambe por pensa ora
un persona no ta kontentu
ku e trato i e kontestanan
ku el a risibí na PWF. Esaki
ta djis algun punto ku un
kliente por pensa riba dje ku
por rekerí akshon direkto di
direktiva. Komunidat mes
por yuda mehorá e servisio
dor di manda nan e-mail
dirèkt pa direktiva.
Direktiva di PWF ta
komprometé su mes pa
atendé tur mail di un
forma personal alabes
ta garantisá kontesta
riba e preokupashon i
sugerensianan di komunidat
di un forma rápido i di mes
diskreto.
Tur hende ta bon biní na
Prinses Wilhelmina Fonds
Direktiva di PWF mes tin
un preokupashon. Apesar ku
tur hende sa di eksistensia
di Prinses Wilhelmina
Fonds, tòg no ta tur pashènt
di kanser ta bishitá òf ta
aserká e organisashon. Pues
no por ta pa motibu ku nan
no konosé e organisashon
nan no ta bai. Por spekulá
riba e diferente motibunan,
Sigui lesa pagina 39