Page 47 - KPA FLIP 22 JULY 2017
P. 47
Diahuebs, pa mas of menos 12’or y 55 di marduga, Central ta dirigi patruya na e spiraal rotonde situa
na Sabana Berde, unda cu un mucha lo a cay for di auto y e personal di ambulance lo a bay na e luga
tambe. Na e sitio, polis a topa cu un auto preto di e marca nissan Murano, para riba caminda. Banda
di e auto riba acera tabatin un muhe drumi kende tabata grita di dolor. Polis a bay papia cu e dama
TP, kende a declara cu e tabata sinta den auto hunto cu su casa yama PB y tabata chauffeur di e auto,
hunto cu su yiu muhe y tambe su mama. Nan tabata coriendo direccion pariba, direccion EHBO na
San Nicolas, mirando cu e no tabata sinti su mes bon. TP a declara cu e tabatin un discusion cu e casa
pasobra el a mira un mensahe riba su celular y a bira jaloers. PB a bis’e cu tur hende lo muri pasobra
e lo core direccion e rotonde sin pone brake. Door di esey el a bula for di e auto y a cay riba caminda.
TP tabata keha di dolor na su nek, brasa robes y su pianan. El a sinti cu movecion tabata dificil.
Personal di ambulance a bin na e sitio y a trat’e. E homber tambe a declara e mesun cos ora cu polis a
papia cun’e. E dama a wordo hiba hospital pa asina haya tratamento medico avansa. Tambe el a
declara cu e lo bay recherche pa duna keho contra di e homber. Central a wordo poni na altura.
