Page 25 - KPA_Neat

editor 2 MINS
POST VIEWS: 4
POSTED ON JULY 17, 2017, 8:35 AM

ORANJESTAD, Aruba

pa mas of menos 5’or y 49 di atardi, central ta dirigi polis na e veld di bala na Bushiri Complex,
caminda cu un homber cu un tshirt blanco cu un tas blauw, tabata tin un arma di candela den dje. Na
caminda central a informa cu un homber cu un tshirt berde a haya dicho tas. Na yegada di polis, nan
a mira un grupo di mas of menos 10 pa 15 hende riba e veld. Den cuadro cu e melding aki, a dicidi pa
pidi pa refuerso, pa asina hunto cu e otro patruyanan, acerca e grupo di hende aki na un manera
tactico. Despues cu varios unidad di polis a topa na altura di “Go Kart”, hunto nan a bay na e parti
zuid y parti nort di dicho veld di bala pa acerca e grupo di hendenan aki. Na yegada di polis, nan a
mira un homber lomba sunu riba e veld. Polis a mira un tshirt berde benta abao, riba e veld cerca di
un bicicleta, cu tabata poni contra di heki di e veld. Un colega a wanta e conocido di polis y husticia
yama JLLT pa mas of menos 6’or di atardi. Central a informa cu e tas blauw cu e arma den dje,
tabata bao di un tshirt berde benta riba veld, cerca di un bicicleta cu tin eynan. A cana bay na e tshirt
y a topa cu e tas blauw cu un arma den dje (revolver) di e marca “Taurus”. Polis a coy e tas cu
contenido y e tshirt berde den beslag pa mas investigacion. Un otro colega a gara e conocido di polis
y husticia AAIA pa mas of menos 6’or y 5 a cargo di e mesun delito di posesion di arma. Ambos
sospechoso a wordo hiba na warda di recherche di Playa caminda cu nan a keda presenta dilanti
fiscal auxiliar. E tshirt berde, tas blauw cu arma den dje a wordo pasa pa recherche.

Policial

HOMBER TA MURI ORA TA
CAI FOR DI DAK