Page 24 - Minister Mike de Meza

PAGINA 50 DIARIO DIAHUEBS 17 DECEMBER 2015

Voluntarionan di Valero a
celebra dianan di fiesta

na Centro di Cuido

ORANJESTAD (AAN): Riba diasabra, 12 di december 2015
un grupo di voluntario di Valero y nan famia a pasa un du-
shi merdia yena cu ambiente, cuminda dushi y bon compañía
cerca e clientenan y trahadornan di Centro di Cuido na Pali-
siaweg.

For di trempan e banda a set up y e sonido di música dushi a
cuminsa trece e prome invitadonan pa e sala grandi na e cen-
tro. Despues di bailamento riba e canticanan bailabel di Frank
Kock y su agrupación tur presente a disfruta di un dushi lunch
di cuminda di Pasco acompaña pa su quesillo.

E voluntarionan di Valero kier a duna danki na Yvonne di
Centro di Cuido na San Nicolas cu a yuda nos haci e evento
un éxito completo pa e clientenan y trahadornan. Mientras e
tabata baila y entretene nos grandinan Yvonne tabata coordina
cu nos pa tur cos bay bon.

Danki tambe na e trahadornan di Centro di Cuido cu dia
den dia afor ta brinda e bon cuido na nos grandinan. Masha
danki! Felis dianan di fiesta di parti di tur voluntario di Valero
pa pueblo di Aruba. Otro aña Valero y su voluntarionan lo tey
atrobe!