Page 45 - AHATA
P. 45
compania di siguridad tambe masha yega na e mandatario y na su fraccion den
Parlamento.
Contal cu tin demasiado indicacion di mal maneho den Serlimar y no por kita e
percepcion cu politica tin un man mucho profundo hinca den e decisionnan diario cu ta
cay den e compania. Esaki mes ta haci awor cu tanto MEP como RED tin masha
dificultad pa comberti Serlimar den un Serli-Bank, pasobra nan tin un amplio experencia
caba di locual a sosode den pasado na ATA Sui generis.
Pa awor, tur cos ta mustra cu e voto di Ricardo Croes ta escencial pa e ley adapta aki por
pasa den Parlamento. Pero, e mesun Ricardo Croes cu su partnernan MEP y POR a laga
cay na mas di un ocasion, ora cu e kier a pasa mocionnan den Parlamento pa urgi
Gobierno pa pasa e ley pa legalisa Cannabis medicinal. E mesun Fraccion di RED a
purba independisa DPS y ey tambe MEP y POR a bira cara pe y lag’e mustra kens den
Parlamento. Awe cu e mesun Prome Minister Wever-Croes no por convence su
mesun coleganan di partido pa sostene e ley di Minister Otmar Oduber,
diripiente Ricardo Croes a bira importante atrobe y a pasa tur e ultimo dianan aki ta
“lobby” pisa cerca dje. E lo a bisa su partnernan bon cla, tanten cu e leynan di RED no
pasa den Parlamento, no conta cu su sosten den nada.
https://www.facebook.com/watch/?v=10160704439370001
Ta pesey mes den e ultimo intento durante e reunion den Parlamento, e Presidente di
Parlamento a opta pa suspende e reunion net ora cu Ricado Croes mester a hiba palabra.
E motibo tabata pa evita cu e ta los poco “bom” y haci e bida di e coalicion mas “zuur”. E
reto ta cu dia cu Parlamento dicidi pa sigui cu e reunion publico aki, e prome orador na
palabra lo ta e mesun Ricardo Croes. Bisando esey, ta masha necesario pa yega na un
acuerdo cune prome cu continua. Esey lo por nifica cu mester pasa e leynan di cannabis y
di independisa DPS prome cu sigui cu e reunion di Serlimar. E ora ey ainda MEP mester
