Page 51 - AHATA

Minister Otmar Oduber a elabora extensamente tocante ley di Serlimar, su importancia
y e peligro cu e dump di Parkietenbos a, ta trece y lo sigui crea pa comunidad, si no
haci algo aworaki.

E situacion no di awo pero for di añanan largo, pero te aworaki ta propone un maneho
cu ta nifica un solucion concreto pa bienestar di e comunidad, muy en particular e
poblacion di Parkietenbos y tur rond di dje.

E mandatario tabata fuerte den su declaracionnan, y den e rosea aki a pidi prensa pa ta
mas envolvi den e situacion, pa entrevista mas habitante di e lugarnan, tambe tur
miembro di Staten pa puntra nan tocante kico nan ta pensa riba e rapport di PAHO
relaciona cu e dump, pasobra e ta considera cu ningun hende ta papia di dje, y prensa

tampoco. A pidi pa prensa lesa e rapport pa wak e magnitud di e peligro pa salud cu
henter e pueblo ta den dje, y primordialmente e area ya menciona.

E mandatario a señala cu e conferencia di prensa aki ta pa duna un splicacion hopi cla,

tocante e situacion di e dump na Parkietenbos, pasobra el a tuma nota di cierto
declaracionnan cu ta haci comosifuera tin dos discusion separa for di otro.

E mandatario a expresa cu poco ta e discusionnan cu tin tocante e calidad di bida y

salud pa loke ta trata e medio ambiente den e area aki, pasobra hopi tabata e
concentracion riba e ley di Serlimar pa loke ta concerni un compania local, cu na cierto
momento a guia henter e discusion tocante e ley aki, riba e criticanan cu tabata tin di
un compania.

No obstante, e mandatario ta contento cu ya a cuminza realiza cu e Ley di Serlimar tin
un embergadura hopi mas grandi cu djis e interes personal economico di un compania
local.

Minister Otmar Oduber a expresa cu durante e tratamento di e ley a mustra riba e
hecho cu esaki ta parti di un plan integral encuanto desperdicio (sushi) na Aruba,
contrario na loke a wordo treci dilanti pa opositornan den Parlamento, comosifuera cu e

ley aki no ta atende cu nada di e salud di pueblo, ni cu e remediacion di Parkietenbos ni
e forma con ta bay atende cu desperdicio.