Page 64 - AHATA

Increibel tabata e maneho unico cu M&M a hiba pa gasta placa pa despues pueblo mira
con e ta paga e debe. Pero ta solamente M&M ta M&M.

Na 2009 nan a haya chens di bula den gobernacion. Cu cinco strea nan a baha for di

espacio pa deshaci di BBO. Den tas tambe tabata tin e plan pa reparti 1.6 Biyon, cu ta
1000 Miyon di Aruba. Placa no tabata problema pa nan, pasobra nan tabata sa con
gasta placa di pueblo.

Rapportnan cu a keda atras ta duna testimonio di e conocemento di gasta placa di
M&M. Ora placa caba den cartera di Aruba y nan mester a introduci medida pisa
manera rapport a mustra, nan a bay Citgo.

Mundo a bati alarma pero mundo a lubida cu gobierno anterior tabata “cinco strea”
manera Superman y Spiderman. Mundo a adverti contra Citgo, pero mundo no conoce
mundo di fantasia di cinco strea.

M&M a demostra di ta master den cinco strea. Nan a trece Citgo cu Nicolas Maduro a
hipoteca pa habri un refineria di Un Biyon.

M&M no ta hende di Un Florin. Nan ta gobernante di Biyon, sea cu e Biyon ta scondi

tras di luna of di solo.

M&M a pone Aruba baila mientras autoridad na Merca tabata persigui nan amigonan di
Citgo na Merca cu mester a habri refineria. Nan no a tende cu autoridad Mericano a

acusa Nicolas Maduro di entre otro ta laba placa di Citgo. Nan no a duna mucho
importancia cu Nicolas Maduro a hipoteca Citgo, cu mester a bin salba Aruba.

Na 2017 Aruba tabata na punto di zink. Debe nacional desastroso na luga di e

temponan di oro cu M&M a priminti Aruba.

Pueblo a vota pa cambio sin tabata na haltura di loke tabata tin den lachi di oficinanan
di gobierno di M&M.

Ora e gobierno nobo a sinta, fiesta a caba hunto cu placa y dolor a cuminsa pa pueblo
cu mester mira con e ta paga e desaster cu M&M a laga atras.